Jesucristo xiin Jehová láabu, né ximigbu ni más ronladxbu. Nir nieed Jesús lo gudxlio láabu bibanybu lainy guibá xomod toib ni nap poder lainy guibá (Juan 17:5). Después bieedbu lo gudxlio par guisuidybu buñ xtiitz Dios (Juan 18:37). Né bieedbu goitybu par labúu guilábu buñ de galkié né galgoity a guirá buñ ni rasob ni nábu (Romanos 6:23). Jesús nigoreʼ nacbu toib Rey del Reino de Dios, toib Gobierno ni noʼ lainy guibá ni gony que Gudxlio gac toib Lagary móz (Revelación 19:16).

Guirá ángeles ni noʼ lainy guibá nac ximig Dios. Guirá ángeles diti gosalobu bibanybu ló Gudxlio xomod toib buñ. Layibu goyabu lainy guibá nir de que Dios nasaʼ Gudxlio (Job 38:4-7). Noʼ xidal millón de ángeles (Daniel 7:10). Guirá ángeles reʼ ni nac ximig Dios, láaca nainy layibu que guirá buñ guisuidy ni nigolú de Jehová (Revelación 14:6, 7).

Lo Gudxlio láaca noʼ ni nac ximig Dios; né layibu testigos. Toib testig ni noʼ nisló toib buñchiin raniʼ ni nan de toib buñ o cós. Pero testigos de Jehová raniʼ de Jehová né ni Láabu nainy gonybu por stipnés buñ (Isaías 43:10). Xomodca guirá ángeles, Testigos rioladx gacné looy guienlo né guisuidylo cós ni ná Jehová. Né láaca nainy layibu gaclo ximig Dios.