Par tzó ximigno raquiin gony amarno láabu. Si pal más rasuidyno de Jehová, más sony amarno láabu né gonyno xchiimbu. Ndeʼ sachiʼin looy gaclo xpiin Jesucristo (Mateo 28:19). Looy labúu saclo né guibanylo sacró al gaclo ximig Dios por tipzó, né láaca si pal radzáglo né testigos de Jehová. ¿Xí labúu gonylo par labúu gaclo toibsi né layibu?

Biduidy diitz que ronylo ni na ley xtuny Dios, né modreʼ rony amarno láabu. «Ndeʼ raduidy diitz que Dios rony amarbu lóono: que guisobno guirá ni láabu rony mandary, né diti naganni par guisobno láani.» (1 Juan 5:3.)

Buny guirá cós ni cayenlo. Jesús bisuidy láani scareʼ. Toib buñ ni naní xcalrrien bisaʼ liich loo guiee, né toib buñguieeu ni diti naní xcalrrien bisaʼ liich lo yohx. Ór ni bieed toib guié rodant, yoʼ ni sob lo guiee diti biab layoo, pero ni gurú lo yohx biab layoo, né bunygulu ruid. Né Jesús gooch guirá ni racadiag né rien ni láabu rasuidybu, nac buñ ni naní xcalrrien xomod ni bisaʼcu liich loo guiee. Pero láaca goníbu guirá ni racadiag ni casuidybu, pero diti rony guirá ni casuidybu, nac xomod toib buñguieeu ni diti nan ni bisaʼ liich lo yohx. ¿Chú láabu de chop buñguieeu reʼ nainy looy gaclo? (Mateo 7:24-27.)

 Gac dedicarno Dios. Labúu gonylo lainy né toib oración a Jehová que má nainy looy gonylo xchiimbu tipzó. Si cayonyno xchiin Jehová raduidyno diitz que xpiin Jesucristo lóono (Mateo 11:29).

Goyonis. «Goyonis né gonap perdon de xcalkielo, mediante guinilo de Jesús.» (Hechos 22:16.)

Buny xchiin Jehová galandiguie. «Cualquier cós ni cayonyto, col gony láani né guidopynacto para Jehová, diti par stipnés buñ.» (Colosenses 3:23.)