Láabu nábu: «Dzú bixonéya galguitz cáncer, xidal buelt bidzubi. Per órni goninéya Jehová bialdó xcalnabani né gocnéni naʼ buni guantary. Cadudyraya ló xiroʼ galrrioʼob per oración racnéni naʼ par diti goni pensary ló xcalguidza. Órni buñ ranabdiitz naʼ ximod noʼya, raabi layibu: Diti nasaca, per nakit noʼ xcalnabani».

Diti fuerspa guicalóno toib galnagandaʼ par guininéno Dios. Guiráno racalóno galnagan ná nacni xiroʼ o mitien, raquiinno galrracné par gony guantaryno. ¿Rasac guininéno Dios la?

La Biblia ná: «Bisal xquiixlo laidy Jehová, né láabu sacnébu looy. Dipa sadudybu lagary que buñ ni rony xinésni guiab» (Salmo 55:22). ¡Diitzreʼ nigolú racnéni lóono! Per ¿ximod labúu gacné oración lóono? Órni raninéno Dios xomod rioladxbu, sadudybu ni caquiinno par guicalóno galnagan (bibiʼ ro ná « Mod racné oración lóono»).