Pentzi yása guisaclolo láani, per sigory ma bibiʼlo ximod gosaclóo stipnés buñ láani. Ló notísy ma bibiʼno o ma bicadiagno ximod stipnés buñ ma goyoʼ ni bianladx layibu portín nacyibu de stipnés gudx o portín nacyibu buñ moxh. Por ngú xidal buñchiin rabeʼ tipnés leyes ni labúu guichoc ló galrrianladx.

Casi guirá ór, galrrianladx ragoʼni más galrrianladx. Ni casaclóo láani rianladxbu buñ ni rianladx láabu, né modreʼ diti raroc loni.

Sigory ma goyoʼ ni goleʼ looy tiplad, ni bixiich looy, ni bitzaldaʼ looy o ni goninaa looy. Per diti nosi de clas galrrianladx reʼ noʼ. Láaca noʼ buñ ni rony galnadxiʼin lidx stipnés, ronynaa, raxin o dada ragaity stipnés.

Revista reʼ sabexa que labúu sonyno gan galrrianladx né sacapyni galrranabdiitz ni sieed reʼ:

• ¿Xigony nogoluʼ galrrianladx?

• ¿Ximod guichocno ló galrrianladx?

• ¿Sioʼ dzú sanitló galrrianladx la?