¿Bíilo guirá Guiich ni caniʼ ni bireʼ íz reʼ la? Gon pal labúu guicapylo guirá galrranabdiitz ni sieed reʼ:

¿Xí radudy diitz gony copyno xpensaryno? (Rom. 12:2).

Diti nosi radudyni diitz gonyno chop tzónsi cós tzaay. Non ganno ximod nac xpensaryno né xcalnabanyno né guitzaʼno tipnés cós par labúu guibanyno mod ná Dios (w23.01, páginas 8 né 9).

¿Ximod labúu guibiʼno né midid ni cayac ló Gudxlio?

Rioʼno ló galrrasaʼ por guirá ni rac ló Gudxlio né ximod ndeʼ rony cumplirni profecías. Per diti nainy lóono guinino ni ronyno pensary ni labúu guitzoo congregación, xalagary ngú guirá ni guinino guireʼni ló ni ma golexa xcudx Jehová (1 Cor. 1:10) (w23.02, página 16).

¿Xigony diti toibsi midid nac xcalrrionis Jesús né xcalrrionis xpiimbu?

Jesús diti góc dedicarbu Jehová portín láabu maca golbu lainy toib gudx ni ma góc dedicar Dios diti xomod lóono. Diti gopbu galkié né diti ñoʼ xi portín ñac arrepentirbu (w23.03, página 5).

¿Xí labúu gonyno par gony comentar más herman ló reunión?

Gony comentarno dopien, modreʼ labúu gony comentar más herman. Láaca diti guisetlano xidal cós par labúu tzoʼ ni guiniʼ stipnés (w23.04, página 23).

¿Xí láani ngú «Néz ni Nayaa» ni ritlaa ló Isaías 35:8?

Par judíos, gocni toib néz simbólico ni bireʼ gudx Babilonia né see gudx Israel. ¿Ló naareʼ ga? Xidalgayoʼ íz antes de íz 1919, gosaló goctzay néz reʼ, por ejemplo góc imprimir né góc traducir la Biblia. «Néz ni Nayaa» rinéni xcudx Dios ló toib paraíso espiritual, né ló dzú ni sietra sacaʼyibu xcalnasác Gobierno xtuny Dios (w23.05, páginas 15 a 19).

¿Xí chop buñgonaʼ ritlaa ló capítulo 9 xtuny Proverbios?

Ló Proverbios ritlaa de toib «buñgonaʼ ni diti ragoʼ xcalrrien» né náni que pal racacuent buñ invitación ni ronybu rinéni buñ lainy «Baʼ». Láaca rasetlani de toib buñgonaʼ ni radudy diitz «sabiduría ni nigolú» né náni que pal racacuent buñ invitación ni ronybu rinéni buñ «ló xinés entendimiento» né ló galnabany (Prov. 9:1, 6, 13, 18) (w23.06, páginas 22 a 24).

¿Ximod bislooy Jehová humildad por mod godabiobu Lot?

Jehová gochbu Lot que naareʼ de gudx Sodoma né ñee laidy dainy. Órni Lot gonabbu Dios ñeebu gudx Zóar, Dios gosaguel (w23.07, página 21).

¿Xí labúu gony toib buñgonaʼ pal tzeelbu rabiʼ pornografía?

Non guisetnaladxbu que diti napbu dool. Galán láani coʼbu guicbu mod radzagbu Dios, né gonybu pensary ló historias xtuny buñgonaʼ ni sieed ló la Biblia ni godudy ló galrrioʼob rodann, ni bisialdó Jehová xcalnabany. Labúu gacnébu tzeelbu par diti tzaguiabbu ló pornografía stoib (w23.08, páginas 14 a 17).

¿Ximod ni gacno buñ ni naniʼ xpensary labúu gacnéni lóono gacno buñ nadaʼa órni rioʼ buñ ni ná tíil né lóono por ni ronyno crer?

Labúu guibiʼno galrranabdiitzcu xomod toib oportunida par ganno xi rony pensary buñcu né xi galrrasaʼ napbu. Ngú sacné lóono par guicapyno sacró (w23.09, página 17).

¿Xí rasuidyno né ni buny María par cuábu fuers?

Órni gonbu que gacbu xinaʼ Mesías, María biyopybu xcalrracné stipnés. Gabriel né Elisabet buny animaryibu María né la Biblia. Xhermanno láaca labúu gony nadip lóono (w23.10, página 15).

¿Ximod labúu guicapy Jehová oración xtunyno?

Radudybu xtiitzbu que sacadiagbu oración ni ronyno láabu, né ronybu pensary ló ni ma goniʼbu gonybu órni racapybu oración (Jer. 29:12). Labúu racapybu cós ni ranab buñ de xidal mod, per Jehová guirá ór sacné lóono (w23.11, páginas 21 né 22).

Pal ló Romanos 5:2 ma ritlaa de esperanza, ¿xigony ritlani ló versículo 4?

Desde órni toib buñ racadiag diitz sacró, pentzi napbu esperanza de guibanybu ló toib Gudxlio móz. Per, ni racalóbu galnagan, ni rony guantarybu láani, né ni nanbu que Jehová racacuent láabu, esperanza xtunybu rac nadipni más (w23.12, páginas 12 né 13).