Ni ranabdiitz buñ ni roʼol
¿Ximod non guienno ni ná Salmo 12:7? ¿Caniʼni de «buñ ni cadudy ló galrrioʼob» (versículo 5), o de «xtiitz Jehová» (versículo 6) la?
Tipnés diitz ni sieed nír radudyni diitz que versículocu raniʼni de buñ.
Salmo 12:1-4, rasetlaa ndeʼ: «Ni diti bisian looy ma yaidyibu lad buñgudxlio». Nigoreʼ guibiʼno versículos ni radzak né galrranabdiitz reʼ: Salmo 12:5-7.
«Por guirá buñ ni cadudy ló galrrioʼob,
por galrragobladx buñ pobre,
siása né noʼ ni goni», ná Jehová.
«Salaaya layibu ladxña ni rabixladx layibu».
Xtiitz Jehová nayaani.
nacni xomod plata ni galán goctzay ni goyoʼ lainy horno de yoo, ni góc nayaa gatz buelt.
Looy sanlo layibu, oh, Jehová;
looy saplo tigaagayibu de generación reʼ dada por tipzó.
Versículo 5 rasetlani xi láani gony Dios por buñ ni radudy ló galrrioʼob: salaabu guirá buñ.
Versículo 6 náni: «Xtiitz Jehová nayaani; nacni xomod plata ni galán goctzay». Né guiráno ni nacno xpiin Jehová noʼno de acuerdo né láani (Sal. 18:30; 119:140).
Nigoreʼ guibiʼno ni ná versículo ni sieed, Salmo 12:7: «Looy sanlo layibu, oh, Jehová; looy saplo tigaagayibu de generación reʼ dada por tipzó». ¿Xí radudy diitz layibu?
Versículo 7 sieedni después de diitz «xtiitz Jehová», tipnés buñ labúu ñony crer que diitz layibu radudyni diitz xtiitzbu. Né scú nacni, nandxichno que Dios ma gon né ma gopbu la Biblia de xidal xi enemigbu ni biyopy mod nanitló láani (Is. 40:8; 1 Ped. 1:25).
Per láaca nigolú ni ná versículo 5. Jehová ma gocné né ma bilaa «buñ ni cadudy ló galrrioʼob» xtol buñ ni ratudy layibu ló galrrioʼob né sonyrabu láani (Job 36:15; Sal. 6:4; 31:1, 2; 54:7; 145:20).
¿Xí radudy diitz versículo 7?
Tipnés diitz ni sieed nír de versículo reʼ radudyni diitz que nacyibu buñ.
Salmo 12:1, 2 náni que goyoʼ xidal buñ ni biscú buñ ni diti bisian Dios. Después rasetlani xi láani gony Jehová né guirá buñ ni rascú. Salmo reʼ raibyni lóono que Dios sanbu xcudxbu portín xtiitzbu nayaani.
Por ngú, órni versículo 7 náni «looy sanlo layibu» né «looy saplo tigaagayibu», cadudyni diitz buñ ni noʼ xan xomandary buñ mal.
Ló Escrituras Hebreas biquiin toib diitz ni bislooy que nacni buñ. Ló diitz griego chop buelt ritlaa diitz lóono ló Salmo 12:7 (11:8, Septuaginta). Né láaca versículos 7 né 8 náni que «tigaagayibu» de guirá buñ ni diti rasian láabu, Jehová san layibu de guirá buñ mal (Sal. 12:7, 8). Toib tárgum arameo rony traducir versículo 7 modreʼ: «Looy SEÑOR, saplo guirá buñtzay, looy saplo layibu de guirá buñ mal reʼ por tipzó. Buñ mal rasaa roloyibu, xomod mambelach ni rach xiruny xiin buñgudxlio». Guirá ni ma bienno racnéni lóono guidudyno cuent que Salmo 12:7 diti caniʼni de xtiitz Dios.
Por ngú, versículo reʼ cadudyni «buñ ni diti rasian láabu» esperanza que Dios sap layibu.
