¿RASACNAGANLO guisuidylo xquiichlo guirá xomal la? ¿Raxacladxlo láani la? Xidalno rasaclono ngú rioʼ ór. Noʼ cós ni ronyno guirá ór ná raquiinni tiemp, né raquiinni gonyno dada rutirigaʼlni lóono, xomod gasno. ¡Per, órni ma gosno sacró rasacno! Ni guisuidyno la Biblia láaca ronyni que guisacno sacró (Efes. 5:26). Guirá ndeʼ labúu gacnéni looy:

• Buny toib programa. Ni guisuidy buñ xquiich toib nacni toibtica cós «ni más rasac» ni non gony guirá cristiano (Filip. 1:10). Par diti guialadxlo gonylo ni caa ló programa xtunylo, labúu guicaʼlo láani ro labúu guibiʼlo láani, xomod laidy refrigerador. O labúu quiixlo alarma antes de guidxin ór ni ma goniʼlo.

• Biquiin mod ni más sacné looy. Tipnésyibu labúu rasuidyibu xiroʼ tiemp, né stipnés más rioladxyibu guitzooyibu láani por midid. ¿Né looyga? Cuá cuidad láani órni gonylo puext ni guisuidylo. Né, pal diti naplo gan guisuidylo órni ma bidxin ór par guisuidylo, ¿labúu guisuidylo ná chii minutsi la? Labúu guienni tidxósi tiemp. Né diti nanno. Pentzi después ni ma gosalólo guiniiny looy guisuidylo más (Filip. 2:13).

• Goniʼ xi tema guisuidylo antes de guidxin dzú ni guisuidylo. Pal ma órcu rayopylo xi láani guisuidylo, diti saquiinlo xtiemplo galán (Efes. 5:16). ¿Labúu gonylo toib lista de artículos né temas ni nainy guisuidylo la? Órni naplo toib galrranabdiitz bicaʼ láani. Né, pal laʼga casuidylo, rareʼ stipnés temas ni labúu gony investigarlo, bicaʼ láani ló lista xtunylo.

• Góc flexible. Non guisuidylo guirá xomal. Pal raquiinni bitzaʼ dzú, ór, midid ni gaclani né temas ni guisuidylo.

Ni guisuidylo la Biblia toiblo sacnéni looy: sabigaxlo más ronoʼ Jehová, sabútzaylo xi láani gonylo né sac nadiplo (Jos. 1:8).