MÚSICA nigolú gosacni lainy gudx Israel ló dzú ni see. La Biblia rasetlaa xidal buelt tipnés buñ ni bicudx tipnés instrument o ni buny cantar. Midid 10% ni caa ló la Biblia nacni canción. Por ejemplo, libros xtuny Salmos, Cantar de los Cantares né Lamentaciones cuáni par gony cantar buñ láani. Libro ni laa Music in Biblical Life (La música en la vida bíblica) náni que la Biblia rabexatzayni que tipnés buñ biquiinyibu música ló nitisi cós ni bunyibu.

Música ni gocné layibu. Guirá israelitas biquiinyibu música par goniʼyibu ximod rasacyibu (Is. 30:29). Buñgonaʼ buny cantar né galrrabaladx, biyaʼyibu né biscoʼolyibu panderetas órni goyoʼ corona guic toib rey copy, órni toib rey copy gosaló buny mandary, né órni bibiguet soldad después ni bunybu gan xi enemigyibu (Juec. 11:34; 1 Sam. 18:6, 7; 1 Rey. 1:39, 40). Par bislooyibu que goyoʼyibu nabann por xcalgoity buñ, israelitas buny cantaryibu canción nabann (2 Crón. 35:25). Mod ná toib obra de consulta, riendxichni «que hebreos gocyibu toib gudx ni guirá ór biquiin música» (Cyclopedia, de McClintock né Strong).

Música ló palasy xtuny rey. Reyes xtuny gudx Israel bioladxyibu música. Rey Saúl golúbu David par nascoʼolbu árpa par rey reʼ (1 Sam. 16:18, 23). Órni David bidxin góc rey bisaʼbu tipnés instrumentos musicales, né láaca bisaʼbu canción sacróyen né biyopybu tipnés buñ par biscoʼl música lainy templo xtuny Jehová (2 Crón. 7:6; Amós 6:5). Né rey Salomón gopbu buñguieeu né buñgonaʼ par buny cantar lainy palasy (Ecl. 2:8).

Música raquiinni par gony adorar buñ Jehová. Lainy templo xtuny Jerusalén goyoʼ 4.000 ni gontzay de música, ni biquiin címbalos, instrumentos de cuerda, arpas né panderetas (1 Crón. 23:5; 2 Crón. 5:12). Per diti nosi layibu biquiinyibu música par buny adoraryibu Jehová. Xidal israelitas buny cantaryibu Canciones de las Subidas laʼga seeyibu Jerusalén par gonyibu tipnés lanii par Dios (Sal. 120-134) Né tipnés obras judías, ná que guirá israelitas buny cantaryibu Hallel a ló galrroxtzu xtuny Pascua.

Música rasacrani par xcudx Dios ló naareʼ (Sant. 5:13). Rony cantarno tipnés canción par guiliskiaʼno laa Jehová (Efes. 5:19). Música ronyni que guiguaʼno toibsi né xhermanno né radudyni fuers lóono par gony guantaryno guirá galnagan (Hech. 16:25; Col. 3:16). Racnéni lóono guislooyno de toib mod sacróyen que rapno fe lóo Jehová né nadxiʼgoluno láabu.