2 | «Xtiitz Dios racnéni lóono»
LA BIBLIA NÁ: «Guirá cós ni cuá ló dzú ni see, cuáni par guisuidyni lóono, guirá ni caa ló Xtiitz Dios racnéni lóono gony guantaryno, rasialdóni xcalnabanyno né radudyni lóono esperanza» (ROMANOS 15:4).
¿Xí radudyni diitz?
La Biblia rasialdóni xcalnabanyno, racnéni lóono gony guantaryno né radudyni fuers lóono par cueʼno cós mal ló xpensaryno. Láaca raibyni lóono que guirá galrrioʼob declas reʼ sanitlóni.
¿Ximod racnéni lóono?
Wal rasac nabanno o rioʼno ló galrrasaʼ, per ni nap depresión o ansiedad pentzi rasacbu láani guirá dzú. ¿Ximod labúu gacné la Biblia looy?
Labúu golno guirá ni sieed ló la Biblia par guireʼ tiplad guirá ni noʼ lainy bichoguicno (Filipenses 4:8). Labúu coʼno ló xpensaryno cós ni labúu guisialdó xcalnabanyno, né gacnéni lóono diti tzogoluʼno ló galrrasaʼ (Salmo 94:18, 19).
La Biblia labúu gacné lóono par diti guisacno que diti noʼ pu raquiinno (Lucas 12:6, 7).
Ló la Biblia sieed historias ni raslooy lóono que diti noʼno toibno, né Dios ni Bisaʼ lóono nantzay xi rasacno (Salmo 34:18; 1 Juan 3:19, 20).
La Biblia ná que Dios sacné lóono par diti guisetnaladxno cós ni bitudy lóono ló galrrioʼob (Isaías 65:17; Apocalipsis 21:4). Pal riogoluʼno ló galrrasaʼ pentzi textos reʼ sadudyni fuers lóono par diti guireʼganno.
