Guiráno sieelno de Adán. Ndeʼ radudy diitz que guiráno nacno toib famil rodann. Ná guirá buñ non gandxiʼ né gap respet xfamil, per diti scú racni portín buñ ma diti ronladx xfamil. Per Dios diti rioladx gacni scú.

«Binladx saʼlo xomodca ronladxlo looy» (LEVÍTICO 19:18).

«Gonladxto buñ ni rianladx lóoto» (MATEO 5:44).

Ló 1 Corintios 13:4-7, Dios raiby lóono ximod nac galnadxiʼ.

«Galnadxiʼ nacni paseins né natzayni».

Buny pensary ló ndeʼ. ¿Ximod rasaclo órni buñ nap paseins, natzaay né diti radzuitz órni rachélo?

«Galnadxiʼ diti naguuni».

Buny pensary ló ndeʼ. ¿Ximod rasaclo órni buñ diti nap confianz né rianladx looy?

Galnadxiʼ «diti rioʼni galrrasaʼ por láasini».

Buny pensary ló ndeʼ. ¿Ximod rasaclo órni buñ diti racacuent ni nálo né rasagaʼ ló xtiitz?

Galnadxiʼ «diti rinéni xian».

Buny pensary ló ndeʼ. Dios puextca noʼbu par guitudybu scásiʼ xcalkié buñ ni rac arrepentir. «Diti saloyñabu xcalkié buñ guirá ór, nili sinébu xian por tipzó» (Salmo 103:9). Sacró rasacno órni toib buñ ratudy scásiʼ ni bunyno láabu. Por ngú, puextca tzoʼno guitudyno scásiʼ ni rony stipnés lóono (Salmo 86:5).

Galnadxiʼ «diti rabaladxni órni diti rac xinésni».

Buny pensary ló ndeʼ. Órni rasaclono toib desgrasy, diti rioladxno que stipnés guibaladx. Por ngú diti guibaladxno órni stipnés casaclóo desgrasy, ná bunyibu cós mal lóono.

Pal nainy lóono guidudy Dios xcalnasác lóono, non gandxiʼno stipnés nac nitisi nac xisyibu, xcudxyibu o xireligionyibu. Toib mod ni guislooyno galnadxiʼ ngú gacnéno ni caquiin láani.