Profecía 6. Xchiin Dios cayacni ló guidopynac gudxlio

«Né buñ saniʼ diitz sacró xtuny Gobierno ló guidopynac gudxlio» (MATEO 24:14).

● Vaiatea rabésbu lainy toib isla ni noʼ lagary Pacífico, toib isla ni laa Tuamotú. Noʼ midid ochent atolones né noʼni ló midid 803.000 kilometros cuadrados, nosi 16.000 buñ rabés lagarycu. Ná scú, testigos xtuny Jehová ma goyguenyibu Vaiatea né xpesinbu. ¿Xigony Testigos rieeyibu nigolú sit? Portín raniiny guiniʼyibu de Gobierno xtuny Dios a guiránac buñ, nac rotísi lagary ro noʼyibu.

¿XÍ RADUDY DIITZ DATOS REʼ? Diitz sacró de Gobierno xtuny Dios radxinni rotísi lagary ló Gudxlio. Nosi ló íz 2010, Testigos xtuny Jehová goniʼyibu diitz sacró más 1.600 millones de ór ló 236 gudxrop né territorios, ndeʼ radudy diitz que toib Testigos goniʼ xtiitz Dios ló tigalaʼ minut ló tipdzú. Ló chii íz ni ma godudy bikiʼsyibu más de 20.000 millones de publicaciones par bisuidyibu buñ.

BUÑ DITI RONY CRER. Ma xidal mil íz buñ caniʼ de evangelio.

¿LABÚU GUININO QUE SCÚ NACNI LA? Noʼ xidal guixo buñ ni ma buny rutigoygaʼlni layibu par guiniʼyibu diitz sacró de la Biblia. Per xidal de layibu nosi ronyibu láani por tidxósi tiemp, né diti labúu raninéyibu guiránac buñ. Per testigos xtuny Jehová caniʼyibu diitz sacró ló guidopynac Gudxlio. Né ronyibu láani ná racalóyibu oposición de buñ mal né ni nap más galnadip (Marcos 13:13). Láaca Testigos rabeʼyibu xtiempyibu par guiniʼyibu diitz sacró né par guikiʼsyibu publicaciones ni napyibu né guirá ndeʼ ronyibu láani scásiʼ. Guirá dxiin ni rac racni por donaciones.

¿XÍ RONYLO PENSARY? ¿Buñ caniʼ «diitz sacró xtuny Gobierno» ló guidopynac gudxlio la? ¿Profecía reʼ ni ma cayac cumplir radudyni diitz que cabésno cós sacró ni guicaʼno ló dzú ni sietra la?

[Comentario]

«Saniʼrado diitz sacró né gan dada ro guidudy Jehová lagary lóodo gonydo láani de nitisi mod par labúu guidxindo ronoʼ guiráxadit buñ» (ANUARIO DE LOS TESTIGOS DE JEHOVÁ 2010).