TEMA NI SIEED LAIDY REVISTA REʼ | LA BIBLIA DITI BINITLÓNI
La Biblia diti binitlóni
NI BUNYIBU. Escritores né copistas bicaʼyibu la Biblia ló papiro né pergamino (2 Timoteo 4:13). * ¿Ximod guirá materiales reʼ goloʼni ló riesga la Biblia?
Órni papiro ma napni xiroʼ tiemp ranit xcolorni né raxinni. Tipnés egiptólogos Richard Parkinson né Stephen Quirke náyibu: «Conforma radudy íz papiro ranitlóni né racni yoo. Laʼga notzay toib rollo labúu guicabeeni né guiootzni, né órni noʼni lainy yoo tipnés nimalien labúu guá láani xomod biriiquiich». Órni goleʼyibu tipnés papiros ro goyoʼtzayni naguel binitlóni.
Pergamino más rony guantaryni que papiro, per láaca ranitlóni órni racaa galnaní láani o órni rioʼni ló toib lagary ro nacop. * Láaca tipnés nimalien ro láani. Por ngú, guirá guiichgool diti noʼni dada ló xtzúno. Pal pergamino né papiro nanitlóni mensaj ni sieed ló la Biblia diti ñoʼni dada ló naareʼ.
¿XIMOD DITI BINITLÓ LA BIBLIA? Ley ni cuá guirá israelitas buny mandaryni a guirá reyes ni goyoʼ gudx Israel par «nacaʼyibu toib copia de leyes reʼ», de Génesis a Deuteronomio (Deuteronomio 17:18). Láaca copistas bunyibu xidal manuscritos órni bilox siglo primero modcu buñ labúu bidzel xidal copias de Escrituras lainy sinagogas ni goyoʼ gudx Israel né dada goyoʼni Macedonia (Lucas 4:16, 17; Hechos 17:11). Per ¿ximod guirá manuscritos ni cuá nírcu diti ma binitlóni?
Manuscritos ni rimbu buñ xomod Rollos xtuny mar Muerto diti noʼ xi gocni lainy guus yoʼ ni goyoʼtzay lainy bileʼ.
Toib buñnan ni laa Philip Comfort goniʼbu ndeʼ de Nuevo Testamento: «Buñ judíos golútzayibu rollos de Escrituras lainy guus yoʼ par diti ñoʼ xi ñacni». Por ngú, tipnés manuscritos de la Biblia bidzel buñ láani lainy guus yoʼ, lainy toib cuart ni nacayasquin, lainy bileʼ né láaca ro nabich.
MOD BIRECAANI. Xidalguixo tlaʼyen de manuscritos xtuny la Biblia diti ma binitlóni ná napni más de chop mil íz de goloʼ noʼni. Diti noʼ stoib manuscrito ni nap xidalgoluʼ íz xomod la Biblia.
^ Párrafo. 3 Papiro nacni toib material de escritura né ractzayni de guixaʼ ni laa papiro. Pergamino goyaʼni né guidlaidy nimal.
^ Párrafo. 5 Por ejemplo, acta original ni rasetlaa de Declaración de Independencia de gudx Estados Unidos cuáni ló pergamino. Ma godudy midid chopgayoʼ cincuent íz né textos xtunyni ma diti tampa rienni.
