Testigos xtuny Jehová dipa ma cuacuentno xiroʼ galrro espiritual ló formato digital xomod nigoreʼ. Per, ló xidal lagary xhermanno diti labúu raguiixyibu Internet. Noʼyibu rabés ro guisien radxin Internet, ro rarocni o ro diti noʼ Internet.

 Nigoreʼ xidal xhermanno ma labúu ralit información xtunyno ná diti napyibu Internet. ¿Ximod ronyibu láani?

 JW Box nacni toib caj mitien ni labúu tzee ronoʼ congregaciones ni diti nap Internet. Napni toib rúter ni rasiido ló toib empresa, toib programa informático ni bisaʼ Departamento de Computación ni noʼ Betel, videos né publicaciones digitales ni noʼ ló jw.org. Tigaaga cajiencu rasac midid 75 dólares.

 Lainy Salón del Reino, xhermanno raquiin wifi par gony conectarbu celular xtunybu né JW Box, modreʼ ralityibu guirá publicaciones né videos. Dada guirá celular goliencu labúu rac conectarni né cajien reʼ. Per pal toib congregación diti nap Internet, ¿ximod labúu gap JW Box publicación ni laʼra careʼ? Cada tiemp sucursal raxel tipnés memorias USB ni rasac midid 4 dólares né cú sieed guirá publicación copy ni noʼ ló página jw.org. Guirá memorias USB rac conectarni né JW Box par labúu guilit herman publicación copy ni noʼ.

 ¿Ximod ma gocné JW Box a xhermanno? Nathan Adruandra, ni rabés República Democrática del Congo, ná: «Goniiny naʼ nalita videos ni laa, Jehová, napa confianz lólo né Colguisetnaladx tzeʼel Lot, per diti labúu bilita láani. Ndeʼ nigolú goloʼ nabann naʼ. Nigoreʼ ma labúu ralita videos né ndeʼ racné lóodo par labúu guisuidydo xiindo más».

 Toib herman ni racné congregación ni noʼ Nigeria par labúu guiquiinyibu JW Box, nábu: «Xhermanno rabiʼyibu JW Box xomod toib galrrascad ni radudy Jehová layibu. Nigolú nakit noʼyibu portín nigoreʼ ma labúu ralityibu publicaciones né videos ni noʼ ló kit de enseñanza».

 Ma bixeldo más de 1.700 JW Box par congregaciones ni noʼ niis África, Oceanía né Sudamérica, né ma goloʼdo guicdo guixeldo más JW BOX ronoʼ stipnés congregaciones. ¿Pu rareʼ bixiich par siido guirá ndeʼ? Rareʼni ló donación ni radudyto par obra mundial. Xidal donación de clas reʼ radxinni ló donate.pr418.com. Raxquixpado lóoto por ni radudyto ni napto né guidopy xcalnabanyto.