¡NANÍSI COLGUIGUAʼ!
ÍZ 2022: Toib íz ni goyogoluʼ galnagan | ¿Xí ná la Biblia?
Íz 2022, goyogoluʼ notísy de guerr, galsii né desgrasy. La Biblia rabexa xigony noʼ guirá desgrasy reʼ.
Xí radudy diitz guirá ni cayac ló íz 2022 reʼ
Guirá ni cayac ló íz 2022 radudyni diitz que ma nabanyno ló ni rabeʼ la Biblia laa «dzú ni ma guidubylagaʼ» (2 Timoteo 3:1). Ni gosaló íz 1914. Bibiʼ ximod ni cayac ló ndeʼga radzakni né ni rasetlaa la Biblia gac ló xtzúno.
«Guerr» (Mateo 24:6).
«2022: Íz ni gosaló guerr Europa stoib». a
Bíil artículo ni laa, «Rusia cacaló Ucrania».
«Galrralán» (Mateo 24:7).
«2022: Diti ma goyoʼ ór goyoʼ galrralán modreʼ». b
Bíil artículo ni laa, «Guerr ni cayac Ucrania ronyxiroʼni galsii».
«Galguitz ni ragaity xidalguixo buñ» (Lucas 21:11).
«Bilat galguitz Polio stoib, bixoʼ más buñ né galguitz viruela del mono né COVID-19 cagaitygoluʼni buñ. Guirá ndeʼ radudyni diitz que nigolú mal guirá galguitz reʼ, né buñgudxlio nigolú nadaa». c
Bíil artículo ni laa, «Xhoop millón de buñ goity xtol COVID».
«Cós nadzuiby» (Lucas 21:11).
«Buñ diti sialadx galnalaʼgolu ni góc íz 2022. Goyoʼ lagary góc nalaʼ por xidal beʼo, stipnés lagary cuá guii dainy né goyoʼ lagary biaʼpy gueel nís. Guirá ndeʼ canitlóni guirá ni noʼ ló Gudxlio, né bigaityni buñ, né xtolni bireʼ buñ lagary ro rabés». d
Bíil artículo ni laa, «Ló guidopynac Gudxlio cayac nalaʼgolu».
«Galrradíil» (Lucas 21:9).
«Conforme radudy dzú ma más radzuitz buñ portín nigolú cayaʼpy ló guirá cós. Guirá ndeʼ bunyni que más buñ cualó gobierno ló íz 2022». e
Bíil artículo ni laa, «Guirá cós casacgoluʼni».
Íz ni sietra, ¿xí tzagac?
Diti noʼ chú nan xi tzagac ló íz 2023. Ni nanno ngú, Gobierno xtuny Dios, mápa mer guitnéni galnasác ló Gudxlio (Daniel 2:44). Gobierno reʼ sanitlóni guirá cós ni ratudy lóono ló galrrioʼob, né xcuentbu sioʼ gac ni naʼ Dios ló Gudxlio reʼ (Mateo 6:9, 10).
Ranabdo looy tzoʼlo naniʼ mod bisetlaa Jesucristo, né modcu guibiʼlo ximod cayac cumplir guirá profecías ni ná la Biblia (Marcos 13:37). Biyopy lóodo pal nainy looy ganlo ximod labúu gacné la Biblia looy nigoreʼ, né ximod labúu guidudyni toib esperanza sacróyen looy né xfamilo.
a Jill Lawless: «2022 Was Year the Horror of War Returned to Europe», AP News, 8 de diciembre de 2022.
b «Una crisis alimentaria mundial», Programa Mundial de Alimentos.
c Lawrence O. Gostin, JD: «Living in an Age of Pandemics—From COVID-19 to Monkeypox, Polio, and Disease X», JAMA Health Forum, 22 de septiembre de 2022.
d Martina Igini: «What’s Behind the Record-Breaking Extreme Weather Events of Summer 2022?», Earth.Org. 24 de octubre de 2022.
e Thomas Carothers y Benjamin Feldman: «Economic Anger Dominated Global Protests in 2022», Carnegie Endowment for International Peace, 8 de diciembre de 2022.
Sigory láaca sioladxlo ndeʼ
GUIICH NI CANIʼ
Mápa mer guinitló Dios galrrioʼob
¿Xigony nanno que Dios mápa mer guinitlóbu galrrioʼob né cós ni diti rac xinésni?
VIDEOS XTUNY LA BIBLIA: GALRRASUIDY NI DITI NAGAN
¿Xí ngú Gobierno xtuny Dios?
Órni Jesús goyoʼ ló Gudxlio goniʼbu de Gobierno xtuny Dios más que stoib cós. Ma por xidal íz buñ ni racanal Jesús ranab guieed Gobierno o Reino reʼ.
GALRRASUIDY NI DITI NAGAN
Gobierno xtuny Dios gosaló buny mandary íz 1914
De goloʼ 2.500 íz Dios buny que naniʼ xcaʼal toib rey ni nap galnadip né profecíacu cayac cumplirni ló naareʼ.
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.
