Ni ma gosaló íz 2023, guiráno nainy guibanyno sacró né xfamilno. ¿Xigony labúu gapno esperanza?

 La Biblia radudy diitz sacró que guirá galnagan ni cacalóno nigoreʼ nacni por tidxósi tiemp, mápa mer sanitlóni. La Biblia ná: «Guirá cós ni cuá ló dzú ni see, cuáni par guisuidyni lóono, [...] né radudyni esperanza lóono» (Romanos 15:4).

•   Par ganlo xi más ná la Biblia bíil artículo ni laa, «La esperanza real de un mañana mejor».

 Esperanza ni radudy la Biblia «nacni xomod toib ancla par lóono» (Hebreos 6:19). Esperanza reʼ racnéni lóono guicalóno galnagan ló naareʼ, par diti guireʼganno, né guibanyno nakit. Bibiʼ tipnés ejemplos ni ritlaa reʼ:

•   Gon ximod esperanza ni radudy la Biblia gocnéni toib buñguieeu par bunybu gan toib vis. Bibiʼ video ni laa, Bianladxi mod bibani.

•   Gon ximod esperanza ni radudy la Biblia racnéni lóono órni raity toibtica xfamilno ni ronladxno. Bibiʼ video ni laa, Galrrioʼob ni ragoʼ galgoity.

 Xidal buñ rony pensary que guirá cós ni cayac sac reglarni, per diti napyibu confianz que sac cumplirni. Per gadzé mod rasetlaa la Biblia, ¿xigony? Portín guirá promesas ni caa ló la Biblia sieedni de Jehová a, «ni diti labúu rascú» (Tito 1:2). Nosi láabu napbu galnadip par gony cumplirbu guirá ni ma goniʼbu gonybu; nosi Jehová «ronybu guirá ni raniiny láabu» (Salmo 135:5, 6).

 Looy labúu gaplo esperanza ni radudy la Biblia. Raruʼdo looy guisuidytzaylo ni ná la Biblia par gaplo confianz ni náni (Hechos 17:11) ¿Nainy looy salólo guisuidylo ni ná la Biblia scásiʼ la? Gosaló íz 2023 né gan!