Biyopy ximiglo par diti guisaclo que noʼlo toiblo
Ló íz 2023, ni buñ gosac que goyoʼ toib nigolú gosacni par doctor. ¿Labúu gony buñ gan láani la?
«Ni guisac buñ que noʼ toib né ni galsitno de stipnés labúu gonyni que guixoʼno né diti guisacno sacró. Per labúu gonyno gan guiropcani, guirá dzú gonyno tipnés cós par gony nadipno mod radzakno stipnés» (Vivek Murthy, director general de Salud Pública de Estados Unidos). a
Toib buñ, diti fuerspa tzoʼbu toibbu par guisacbu que noʼbu toibbu. Toib buñ, labúu guisacbu que noʼbu toibbu ná noʼ xidal buñ ronoʼbu. Ná diti nanno xigony noʼno toibno, la Biblia radudy consej galán lóono par diti guisacno que noʼno toibno, por ejemplo guidzaktzayno ximigno.
Tipnés mod ni labúu gacné la Biblia looy
Biiy diitz né buñ. Diti radudyni diitz nosi guiniʼlo ni rasaclo; láaca raguiñani ganlo guicadiaglo. Laʼga más tzoʼlo galrrasaʼ por stoib buñ, sadzaktzaylo láabu.
Texto ni sieed ló Biblia: «Diti nosi tzoʼto galrrasaʼ por cós ni caquiinto, xalagary ngú coltzoʼ galrrasaʼ por stipnés» (Filipenses 2:4).
Bidzak né stipnés. Gosaguel gaclo ximig ni nap más íz que looy o ni nac más mbioxhlasien que looy, o ni nap stoib costumbre o ni nac de stoib gudx.
Texto ni sieed ló Biblia: «Colguixal xcalnabanyto» (2 Corintios 6:13).
Pal nainy looy ganlo más ximod labúu tzoʼ ximigdxinlo, bíil artículo ni laa «Cómo saciar la sed de amistad».
a Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community (La epidemia de la soledad y el aislamiento: Informe del director general de Salud Pública de Estados Unidos sobre los beneficios de las conexiones sociales y la comunidad), 2023.
Sigory láaca sioladxlo ndeʼ
PIZARRA ANIMADA
¿Ximod nac toib amig ni nigolú?
Buñ ni diti nigolú nac ximiglo, diti nagann par guidzelo layibu, ¿Ximod labúu guidzelo ximigdxinlo?
