¡NANÍSI COLGUIGUAʼ!
Buñ cagaity saʼ ló guidopynac Gudxlio | ¿Xí ná la Biblia?
Ló beʼo july íz 2022, ló guidopynac Gudxlio buñ bigaity saʼ:
«Toib buñ político de gudx Japón ni xidal buñ rimbu goyoʼ ni bigaity láabu, né nigolú bidziguiaʼ buñ ni góc ndeʼ, portín lagarycu diti cuenunysi rony buñ» (10 de july íz 2022, The Japan Times).
«Buñ ni rabés gudx Dinamarca nigolú bidziguiaʼyibu órni toib buñ bigaity tzón buñ lainy centro comercial gudx Copenhagen» (4 de july íz 2022, Reuters).
«Sudáfrica: Tipnés buñ bigaityibu 15 buñ lainy cantin lainy gudx Soweto. (10 de july íz 2022, The Guardian).
«Guic xomal buñ bigaity né guip más de 220 buñ lainy gudx Estados Unidos órni goyoʼ lanii 4 de july» (5 de july íz 2022, CBS News).
¿Noʼ esperanza par guinitló ni ragaity buñ saʼ la?
Ma diti sioʼ ni guigaity saʼ
La Biblia ná que ma rabésno «ló dzú ni ma guidubylagaʼ», ndeʼ nac toib tiemp ro nogoluʼ buñ mal ni diti ronladx saʼ (2 Timoteo 3:1, 3). Xtol guirá ndeʼ buñ radzuibygoluʼ (Lucas 21:11). Per la Biblia ná que sadxin dzú guirá ndeʼ sanitlóni xomod rasetlaa texto reʼ, «xcudxi saguaʼ goxtiguie, sabésyibu lainy yoʼ ro diti sioʼ ni guisacloyibu né lagary ro guisaladxtzayibu» (Isaías 32:18). ¿Ximod sanitló guirá ndeʼ?
Dios sanitlóbu buñ mal né sanitlóbu guip.
«Guirá buñ mal sanitlóyibu ló gudxlio» (Proverbios 2:22).
«[Dios] ranitlóbu guerr ló guidopynac gudxlio. Raxoʼoxbu arco né rabeʼ balaʼbu lanz, rasaʼijbu camión de guerr» (Salmo 46:9).
Dios sanitlóbu guiráxadit ni rony que buñ gony cós mal né sasuidybu buñ ximod guiguaʼ sacró.
«Diti sonyimu mal né diti sanitlóyimu xitcal ló xtani ni nayaa, portín ló gudxlio sioʼgolu xcalnan Jehová xomod noʼ nís ló nisdaʼ» (Isaías 11:9).
Dada ló naareʼ Dios casuidybu buñ par diti guigaity saʼ né par diti guiquiinyibu guip xomod rasetlaa texto reʼ, «espad xtunyibu sonyibu láani guip par guilaʼyibu ló layoo, né lanz xtunyibu sonyibu láani hoz» (Miqueas 4:3).
Par ganlo xi ná la Biblia gac, bíil artículo ni laa, «¿Es posible librarse del miedo?».
Par ganlo más ximod guinitló por tipzó guirá cós mal ni cayac bíil artículo ni laa, «¡Por fin paz en la Tierra!».
Sigory láaca sioladxlo ndeʼ
VIDEOS XTUNY LA BIBLIA: GALRRASUIDY NI DITI NAGAN
¿Xigony radudy Dios lagary tzoʼ galrrioʼob?
Xidal buñ ranabdiitz xigony nogoluʼ galrrianladx né galrrioʼob ló Gudxlio. Ló la Biblia radzelno xigony nacni scú, né radudyni esperanza lóono.
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.
