Naciones Unidas goniʼ ndeʼ:

•   Desde 7 octubre dada 23 de octubre íz 2023, guerr ni noʼ lad Gaza né Israel, ma bigaityni más de 6,400 buñ né 15,200 buñ bireʼ herid, casi guiráyibu diti gocyibu soldad. Láaca xidal mil buñ bixony lagarycu.

•   Dada 24 de septiembre íz 2023, guerr ni yoʼ lad Rusia né Ucrania bigaityni 9,701 buñ ni diti góc soldad né 17,748 buñ bireʼ herid lainy gudx Ucrania.

 ¿Xí esperanza radudy la Biblia par guirá ni radudy ló galrrioʼob xtol guerr?

 Lá Biblia ná que Dios sanitló «guerr ló guidopynac gudxlio» (Salmo 46:9). Saquiimbu toib gobierno ni noʼ guibá par tzoʼ xalagary guirá gobiernos ni noʼ ló Gudxlio (Daniel 2:44). Gobierno xtuny Dios sasialdó xcalnabany buñgudxlio.

 Bibiʼ xi sony Jesucristo, Rey de Gobierno xtuny Dios:

•   «Salaabu buñ pobre ni cayopy galrracné, láaca buñdxo né guirá buñ ni diti nap galrracné. Sonladxbu buñdxo né buñ pobre, né salaabu buñ pobre. Sabeʼbu biinreʼ ladxña buñ ni catudy layibu ló galrrioʼob né ni cayonynaa layibu» (Salmo 72:12-14).

 Né xcalrracné Gobierno xtunybu, Dios sanitló galsii né galrrioʼob ni rac xtol guerr né galrradíil.

•   «Né saspiichbu nís ni rareʼ bisalóyibu, né ma diti sioʼ galgoity, ma diti sioʼ galnabann, nili sioʼ galrribdxaʼ nili sioʼ galrrioʼob. Cós ni góc nírcu ma diti noʼni» (Apocalipsis 21:4).

 Mápa mer Gobierno xtuny Dios, sony reglarbu galnagan ni noʼ ló Gudxlio. La Biblia goniʼ que sioʼ «guerr né notísy de guerr», ni rabiʼno ló naareʼ (Mateo 24:6). Ndeʼ né stipnés cós ni cayac raslooyni que ma nabanyno ló «dzú ni ma guidubylagaʼ» de gobierno xtuny buñgudxlio (2 Timoteo 3:1).