Mod ná Organización Mundial de la Salud (OMS), par ló dzú 23 de may íz 2022 midid 6,27 millón de buñ goity xtol COVID-19. Per ló notísy ni bireʼ ló 5 de may íz 2022 OMS bisetlaa que sigory cantidad de buñ ni goity nacni más buñ. Láaca bisetlani que ló íz 2020 né íz 2021, xidal buñ goity xtol COVID né láaca por stipnés galguitz ni raguiña COVID, né gocni midid 14,9 millón de buñ ni goity. ¿Rasetlaa la Biblia de guirá desgrasy nadzuiby ni cayac la?

•    Jesús goniʼ que sioʼ «galguitz ni ragaity xidalguixo buñ» «ló dzú ni ma guidubylagaʼ» (Lucas 21:11; 2 Timoteo 3:1).

 Profecía ni bisetlaa Jesús cayac cumplirni ló naareʼ. Par ganlo más bíil artículo ni laa, «¿Cuál es la señal de “los últimos días” o “los tiempos finales”?».

•    «Dios rasialdó xcalnabanyno ló guirá galnagan ni cacalóno» (2 Corintios 1:3, 4).

 Xidal buñ ma goity xfamil né la Biblia ma bisialdó xcalnabanyibu. Par ganlo más bibiʼ artículos ni laa, «Labúu sasaclo sacró: Ni labúu gonylo» né «Ni más racné buñ ni noʼ nabann».

•    «Guieed Gobierno xtunylo. Gac ni nálo xomod lainy guibá, láaca ló gudxlio» (Mateo 6:10).

 Mápa mer «Gobierno xtuny Dios» sony que gac cumplir diitz reʼ: «Ni toib buñ saniʼ: Caxoʼya» (Marcos 1:14, 15; Isaías 33:24). Bibiʼ video ni laa, ¿Xí ngú Gobierno xtuny Dios? par ganlo de gobierno reʼ ni noʼ guibá, né guirá ni sonyni ló Gudxlio.

 Raruʼdo looy par ganlo más ni ná la Biblia, modreʼ looy né xfamilo labúu sacné consej ni sieed loni né guirá cós sacróyen ni guidudy Dios lóono ló dzú ni sietra.