Ló íz 2022 gaxt ni buny soldad ló guidopynac Gudxlio goygaʼlni 2,24 billones de dólares. Ndeʼ gocni scú portín gosaló godíil Rusia né Ucrania. Toib informe de beʼo abril íz 2023 del SIPRI, el Stockholm International Peace Research Institute (Instituto Internacional de Estudios para la Paz de Estocolmo), rasetlani ni góc ló íz 2022:

•    Xcaxt soldad lainy gudx Europa goluinyni 13% ló ízcu, xcaxt soldad lainy gudx Europa diti ma goygaʼlni midid reʼ desde dzú ni góc guerr ni góc laa, Guerra Fría.

•    Ralooyni xcaxt soldad xtuny Rusia goluinyni 9,2 %. Nírcu Rusia diti tampa bunyibu gaxt xomod ronyibu láani nigoreʼ.

•    Estados Unidos nacsa gudxrop ni más rony gaxt par labúu tíil: de guirá bidxiich ni rac gaxt ló guidopynac Gudxlio layibu ronyibu gaxt 39%.

 Ni cayacxiroʼ xcaxt soldad ló guidopynac Gudxlio caslooyni que nabanyno ló toib Gudxlio ro ma diti rabésno goxt, ná doctor ni laa Nan Tian, ni láaca bicaʼ informe del SIPRI

 La Biblia goniʼni que guirá gudxrop puextca tzoʼyibu par tíilyibu ló naareʼ. Per láaca caniʼni ximod guidzelno paz ni nigolú.

•    La Biblia ná que dzú ni nabanyno nacni tiempo del fin (Daniel 8:19).

•    Lo libro xtuny Daniel cuá que ló naareʼ ñoʼ gudxrop ni nadíil né saʼ. Guirá gudxrop reʼ nayopy «galrradíil», ni radudy diitz, nadíilyibu par ñanyibu chú láabu gony mandary. Galrradíil reʼ naguiñani ñac gaxt xidal cós ni rasac o xiroʼ bidxiich (Daniel 11:40, 42, 43).

 Pal nainy ganlo más de profecías reʼ, bibiʼ video, El cumplimiento de la profecía de Danie1

•    La Biblia ná que Dios satzaʼ guirá gobiernos ni noʼ ló Gudxlio. Láabu «sagoʼbu toib gobierno ni dipa sanitló nili sadudyni ladxña stoib gudx. Gobierno reʼ sonynoyni né sanitlóni guirá gobiernoscu, né nosi láani sioʼni por tipzó» (Daniel 2:44).

•    Jehová a ma yaca guitné paz ni gacla né paz ni nigolú, ndeʼ ni toib buñgudxlio labúu guitné. ¿Ximod sonybu láani? Gobierno xtunybu ni noʼ lainy guibá sanitlóni galrradíil né guip (Salmo 46:8, 9).

 Par ganlo más ni gony Gobierno xtuny Dios, bíil artículo ni laa, «El Reino de Dios traerá ‘paz en abundancia’».