«Buñ nigolú caxin ló Gudxlio: Ló goxeʼsi tiemp gudxrop sadopyni lainy nís. Sadudy midid sac nalaʼ. Sac guié nadzuʼpy. Sabich nís. Xidalguixo yac né nimal sanitlóni. Guirá ndeʼ nigolúpa sácni pal gobiernos ni noʼ ló naareʼ diti ronyibu xitcal por Gudxlio» (Scú cuapy António Guterres, secretario general de las Naciones Unidas, 4 de abril íz 2022 ló discurs ni bitudybu par Grupo Intergubernamental de Expertos sobre el Cambio Climático).

 «Científicos ná que ló goxeʼsi íz saxin casi guirá 423 parques xiroʼ ni noʼ Estados Unidos, saxinni portín nigolú cayac nalaʼ. Guirá ndeʼ cayacni xomodpa sieed ló la Biblia: sacaa guii laidy dainy, saguaʼ gueʼel nís, sayaa yel, sareʼ nisdaʼ xalagary né sadudy midid sac nalaʼ» («Flooding Chaos in Yellowstone, a Sign of Crises to Come» [Nigolú biguaʼ gueel nís Yellowstone, cadudyni abís xi gac ló dzú ni sietra], The New York Times, 15 de juny íz 2022).

 ¿Labúu gac reglar galnagan ni cacaló Gudxlio la? Pal scú láani, ¿chú láabu gony láani? Gon xi rasuidy la Biblia.

 La Biblia ná que Dios sanitlóbu «guirá buñ ni caxin ló gudxlio» (Apocalipsis 11:18). Versículo reʼ la, rasuidyni lóono tzón cós:

1.  1. Ni rony buñ, sonyni mal Gudxlio.

2.  2. Sioʼ dzú ma diti saxin buñ láani.

3.  3. Dios sony reglar galnagan reʼ, diti buñgudxlio.

 La Biblia ná que «gudxlio sioʼni por tipzó» (Eclesiastés 1:4). Diti sanitló buñ loni.

•   «Buñ ni rony xinésni xtunyibu sac gudxlio né sabanyibu loni por tipzó» (Salmo 37:29).

 Gudxlio reʼ sac reglarni né sácni toib lagary móz.

•   «Yoolaʼ né yoovich sabaladx, né láach ni nabich sioʼ nakit né siálni xomod riál azafrán» (Isaías 35:1).