Dzú 27 de enero íz 2023, xidalguixo buñ guisanadxyibu Día Internacional en Memoria del Holocausto. Guirá cós mal ni góc de goloʼ 75 íz ni ma godudy labúu gonyni que guinabdiitzlo, ¿xi gony bidudy Dios lagary ñac guirá cós mal reʼ?

•   Par ganlo ni ná la Biblia, bíil artículo ni laa, «¿Por qué sucedió el Holocausto judío? ¿Por qué Dios no lo impidió?».

 Guirá judíos bibiʼyibu Holocausto. Nigolú godudyibu ló xiroʼ galrrioʼob, né xidalyibu goity loni. Láaca goyoʼ stipnés grupo de buñ ni cuanalyibu né bigaityibu ló dzúcu. Ladcu goyoʼ testigos xtuny Jehová, cuanal buñ layibu por ni bisuidyibu né bunyibu ni ná la Biblia.

•   Par ganlo más, bíil artículo ni laa, «¿Qué les ocurrió a los testigos de Jehová durante el Holocausto?».

 Xidal buñ radzuibyibu órni ronyibu pensary pentzi gac Holocausto stoib. Per rialdó xcalnabanyno órni rasuidyno que la Biblia náni que ló dzú ni sietra ma diti sac Holocausto stoib.

•   «Portín naʼ nantzaya pensary ni napa par lóoto, —ná Jehová—. Nainyna guiguaʼto goxt, diti guisacloto cós mal. Nainyna tzoʼ ni guicaʼto ló dzú ni sietra né gapto esperanza» (Jeremías 29:11). a

 Guirá cós reʼ ni gac ló dzú ni sietra, sarebuʼni órni Jehová guinitló guirá cós mal, né gonytzaayibu guirá cós mal ni ma góc. Mápa mer Dios gonybu guirá cós reʼ.

•   Sanitlóbu guirá buñ mal ni noʼ ló Gudxlio (Proverbios 2:22).

•   Sasialbu guirá ni ma godudy ló galrrioʼob né sasialdó xcalnabanyibu (Apocalipsis 21:4).

•   Salísbu buñ ni ma goity (Juan 5:28, 29).

 Looy labúu gaplo confianz ló ni la Biblia ni gac ló dzú ni sietra. Pal nainy looy ganlo xigony, raruʼdo looy guisuidylo la Biblia né lóodo.