Ló ndeʼga, líderes mundiales, científicos, né buñnan xtuny tecnología goniʼyibu galnadip ni nap inteligencia artificial (IA). Ná raniʼyibu que nigolú raquiinni, láaca noʼyibu galrrasaʼ por mod guiquiin buñ láani.

•    «Inteligencia artificial, nacni toibtica tecnología ni nap más galnadip ló naareʼ, né labúu ñonyni más goxt xcalnabany buñ [...]. Per láaca noʼ riesga ma diti tzoʼ buñ sacró, ma diti gap buñ derech ni nap, né guirá información ni nap buñ labúu gan stipnés láani, labúu ñonyni que ma diti ñap buñ confianz saʼ né ma diti ñapyibu fe que gudxca labúu guiniʼ xi láani gac» (Kamala Harris, vicepresidenta xtuny Estados Unidos, 4 de may íz 2023).

•    «Ná nteligencia artificial (IA) labúu gacnéni buñ gan par diti guixo, láaca ragoʼni riesga buñgudxlio» (Grupo xtuny guirá doctor ni noʼ ló guidopynac Gudxlio ni doctor Frederik Federspiel rasanir ló, BMJ Global Health, 9 de may íz 2023). a

•    «Ma labúu guiquiin buñ inteligencia artificial par guichetz información falz. Mápa mer labúu guinitlóni xidal dxiin. Né mod ná tipnés buñnan ni rony dxiin ló tecnología, labúu sadxin ór ro dada labúu coʼni riesga buñgudxlio» (The New York Times, 1 de may íz 2023).

 Ma tiemp saniʼ dada púti guiquiin buñ inteligencia artificial par gony cós tzaay o cós mal. ¿Xí ná la Biblia?

 La Biblia raslooy xigony buñgudxlio diti labúu guiniʼyibu que guirá ni rasaʼyibu nosi saquiin buñ láani par cós tzaay.

1.  1. Ná buñ nainy gony cós tzaay, diti labúu ganyibu pal sarecaa mal guirá ni ronyibu.

   •    «Noʼ toib néz ni par buñ nac xinésni, per radxin midid rinéni buñ ló galgoity» (Proverbios 14:12).

2.  2. Ni toibtica de lóono labúu gony mandary pal stipnés buñ guiquiin dxiin ni ronyno par cós tzaay o cós mal.

   •    «Non guisianéya láani buñ ni guieed después de naʼ. ¿Né chú nan pal gacbu buñ ni naní xcalrrien o buñ ngaʼal? Mod nitisi nacni, láabu sony mandarybu guirá por ni nadip buni dxiin ló govitz né ro biquiinna sabiduría» (Eclesiastés 2:18, 19).

 Galrrasaʼ reʼ nayadit raslooyni que raquiinno ni Bisaʼ lóono par conésbu lóono.

 Ni Bisaʼ lóono radudy xtiitz que dipa sadudybu lagary que buñgudxlio, nili tecnología ni rasaʼyibu, guinitló Gudxlio o buñgudxlio.

•    «Gudxlio sioʼni por tipzó» (Eclesiastés 1:4).

•    «Buñ ni rony xinésni xtunyibu sac gudxlio né sabanyibu loni por tipzó» (Salmo 37:29).

 Ló la Biblia, ni Bisaʼ guiráxadit cós, ragonés lóono par guiguaʼno goxt né diti guidzuibyno ló dzú ni sietra. Pal nainy ganlo más ni ná la Biblia, bíil artículos ni laa, «¿Noʼ ni labúu conés looy par guibanylo sacró ló dzú ni sietra la?» né «La esperanza real de un mañana mejor».