Toib informe ni góc ló guidopy Gudxlio ná, a toib de cada tap buñ rasac que noʼ toib.

•   «Nitisi buñ labúu guisac toib, nitisi íz ni nap, né rotísi lagary ro rabésbu», (Chido Mpemba, copresidenta de la Comisión de la Organización Mundial de la Salud sobre Conexión Social).

 Diti nosi buñ ni noʼ toib o buñgol labúu guisac láani, dada mbioxhlas, buñ ni nasac, ni noʼ tzeʼel, o ni riee galán ló xcalnabany labúu guisacyibu que noʼyibu toibyibu. Órni toib buñ ralsit né rasacbu que noʼbu toibbu, ndeʼ labúu gony que guixoʼbu ló sentido físico né emocional.

•   «Órni toib buñ rasac que noʼ toib, nigolú ronyguitzni láabu [...]. Ni toib rasac que noʼ toib nacni toib riesga nacni suusi nagobbu 15 gues ló tipdzú» (Vivek Murthy, director general de Salud Pública de Estados Unidos).

 Ni Bisaʼ lóono diti nainy láabu galsitno. Dios guirá raniiny que gapno ximigdxinno ni labúu tiemp sacró.

•   Principio ni sieed ló la Biblia: «Dios goniʼ: Diti láani ngú que buñguieeu tzoʼbu toibbu» (Génesis 2:18).

 Dios raniiny raniiny gacno ximigbu. Láabu nábu guibigbu ronoʼno pal ronyno rutirigaʼlni lóono guibigaxno láabu (Santiago 4:8).

•   Principio ni sieed ló la Biblia: «Dichós guirá buñ ni nan que non guiyopy Dios, portín xtunyibu nac Gobierno ni noʼ guibá» (Mateo 5:3).

 Dios raniiny guienno láabu toibsi né stipnés buñ. Órni ronyno láani rasacno sacró.

•   Principio ni sieed ló la Biblia: «Né non tzoʼno galrrasaʼ por saʼno par gony animarno saʼno guislooy galnadxiʼ né gonyno dxiin galán, dipa guisianno de tzoʼno reunión [...]. Xalagary ngú, gony animarno saʼno» (Hebreos 10:24, 25).

 Pal nainy ganlo más, xigony raquiin gonylo rutirigaʼlni looy par diti guisaclo que noʼlo toiblo, bíil artículo ni laa «Soledad en la era de la comunicación».