Gon xi caniʼ tipnés buñ ni rasanir ló religión de guerr ni cayac Ucrania.

•   «Xobal ni laa Kirill ni rasanir nisló Iglesia ortodoxa rusa, diti ma goniʼbu xitcal de guirá cós mal ni cayony Rusia [...]. Religión xtunybu rachetz galrrascú de gudx Ucrania. President xtuny Rusia ni laa Putin caquiin guirá galrrascú reʼ par guicalóbu gudx Ucrania» (EUobserver, 7 de marz íz 2022).

•   «Xobal ni laa Kirill [...] goni’bu que guerr ni cayac gudx Ucrania nacni suusi nacaló buñ galkié. Goniʼbu láani par guislooybu que xinésni ngú ni cayony xcudxbu» (AP News, 8 de marz íz 2022).

•   «Metropolitano Epifanio I de Kiev, ni rasanir nisló Iglesia ortodoxa ucraniana, lonys reʼ bidudybu xilaaybu buñ xcudxbu par guicaló soldad xtuny Rusia. Láaca goniʼbu que diti galkié láani guigaityibu soldad xtuny Rusia» (The Jerusalem Post, 16 de marz íz 2022).

•   «Lóodo rony apoyardo guirá soldad xtuny Ucrania né guirá buñ ni cayony defender xcudxdo. Radudydo xilaaydo layibu par labúu gony defenderyibu Ucrania né ronydo oración por layibu» (Declaración del Consejo de Iglesias né Organizaciones Religiosas ni noʼ Ucrania, a 24 de febrero íz 2022).

 ¿Xí ronylo pensary? Religión ni raniʼ que casob ni ná Cristo, ¿non guikíilyibu buñ tzee guerr la? ¿Xí ná la Biblia?

Mod rioʼ religión ló guerr

 Ni góc ló dzú ni see, raslooy que religión racacuentyibu guerr, raniʼyibu que ditini mal né dada rakíilyibu buñ tzee guerr, laʼga layibu rayopyibu mod guiguaʼ buñ sacró né saʼ. Por xidal íz, testigos xtuny Jehová ma goleʼxilatyibu guirá mod rony religión falz. Reʼ sieed tipnés ejemplos ni ritlaa ló publicaciones ni rabeʼdo.

•   Artículo ni laa, «Las cruzadas: ‘trágica ilusión’» raslooyni que Iglesia Católica Romana buny apoyarni ni bigaity xidalguixo buñ ló laa Dios né Cristo.

•   Artículo ni laa, «La Iglesia Católica y África» raslooyni ximod religión diti labúu bicaani ló guerr ni goyoʼ lad tribus xtuny África, nili labúu bicaani ló guerr ro goity xidalguixo buñ toibsi ór.

•   Artículos ni laa, «¿Tiene la culpa la religión?», «El papel de la religión en las guerras» né «La religión toma partido» rabexani ximod ni rasanir ló religión catolico, ortodoxo né protestante buny apoyaryibu guerr ni góc lainy xcudxyibu.

¿Religión ni rony crer ló Cristo non gony apoyaryibu guerr la?

 Ni bisuidy Jesús: «Gondxiʼ saʼlo xomodca nadxiʼlo looyca» (Mateo 22:39). «Gonladxto buñ ni rianladx lóoto» (Mateo 5:44-47).

 Ni bisuidy Jesús: «Gobierno xtuni diti nacni de gudxliogoxreʼ. Pal Gobierno xtuni ñacni de gudxliogoxreʼ, xpiina nadíil par diti ñoʼ ni ñonycuent naʼ» (Juan 18:36). «Guirá ni racaʼ espad, saity né espad» (Mateo 26:47-52).

 Buny pensary ló ndeʼ: Pal cristianos ni bibany ló dzú ni see nili cuaʼyibu espad par nalaayibu Jesús, ¿noʼ razón par tzoʼno guerr la? Bíil artículo ni laa, «El cristianismo y la guerra: ¿son compatibles?» par ganlo ximod cristianos ni bibany ló dzú ni see, bisuʼyibu mod buny Jesús né bisobyibu xcalrrasuidy Jesús.

¿Xí guisaclóo religión ni rakíil buñ tzee guerr?

 La Biblia rasuidy que Dios diti racacuent religión ni raniʼ que rasob ni ná Jesús per diti nigolú cayonyibu láani (Mateo 7:21-23; Tito 1:16).

•   Ló libro ni laa Apocalipsis ná que Dios ragotz dool guirá religión falz portín rakíilyibu buñ guigaity saʼ (Apocalipsis 18:21, 24). Par ganlo xigony ragotz Dios dool layibu, bíil artículo ni laa, «¿Qué es Babilonia la Grande?».

•   Jesús goniʼ que guirá religión ni rabeʼ Dios tiplad sanitlóyibu por guirá cós mal ni ronyibu, xomodca rony buñ né toib yac ni racaa xcaa nayotz «rachoc buñ láani né rieeni ló guii» (Mateo 7:15-20). Bíil artículo ni laa, «¡Se acerca el fin de la religión falsa!» par ganlo ximod guidubylagaʼ guirá ndeʼ.

Photo credits, left to right: Photo by Sefa Karacan/Anadolu Agency/Getty Images; Maxym Marusenko/NurPhoto via Getty Images