Soldad ni noʼ gudx Rusia cualóyibu gudx Ucrania beʼo 24 de febrero íz 2022. Por ngú xidalguixo buñ noʼ ló riesga né nimaca casianyibu xcudxyibu. a

 «Nigolú gotz bomba. Nigolú bidzubi né diti naana ximod cuéxaya láani. Órni gondo que noʼ tren ni catudy buñ, biaʼpydo lainyni. Bisiando guiráni né nosi gonynédo toib mochil. Nosi labúu gonynédo tipnés documentos, remeidy, nís, né tidxóyen ni godódo. Bisiando guiráni né soʼcado ro rasagaʼ tren, laʼga bomba cayatz» (Natalia, de Járkov, Ucrania).

 «Dipa bunydo pensary que nasaló guerr. Bicadiaga que cayatz bomba tipnés lagary, né bentan nigolú bisisni, órcuca bireʼya né cuaʼya tipnés cós ni más rasac. Bireʼya lidxi las ocho rosil né biaʼpi lainy toib tren ni see Lviv né de ngú biaʼpi lainy toib autobús ni see niis gudx Polonia» (Nadia, de Járkov).

Ló artículo reʼ guienno:

•  ¿Xigony tipnés buñ casian xcudx?

•  ¿Pu labúu guidzelyibu esperanza?

•  ¿Labúu gacné la Biblia guirá buñreʼ la?

 ¿Xigony tipnés buñ casian xcudx?

 Buñ ni rabés gudx Ucrania casianyibu lidxyibu portín soldad de gudx Rusia cacaló layibu. Per la Biblia rabexatzay xigony cayacni:

•   Gobiernos ni noʼ ló naareʼ diti rigaʼlni layibu guidudyibu ni caquiin buñ. Casi guirá ór raquiinyibu xcalmandaryibu par guitudyibu buñ ló castig (Eclesiastés 4:1; 8:9).

•   Buñdzab, láabu rony mandarybu guidopynac gudxliogoxreʼ, por ngú la Biblia ná: «Guidopynac gudxliogoxreʼ noʼni ladxña ni nigolú mal» (Juan 14:30; 1 Juan 5:19).

•   Ná ma xidzú tiemp cacalóno galnagan, nigoreʼ rabésno ló tiemp ni rasetlaa la Biblia: «Ló dzú ni ma guidubylagaʼ sieed tiemp nagan, né nagan par gony guantary buñ láani» (2 Timoteo 3:1). Ló dzú ni ma guidubylagaʼ sioʼ guerr, desgrasy, diti sioʼ ni guá buñ, sioʼ galguitz ni ragaity xidalguixo buñ. Xtol guirá ndeʼ buñ rasian xcudx (Lucas 21:10, 11).

 ¿Pu labúu guidzelyibu esperanza?

 La Biblia rasetlaa que Jehová b bisaʼ lóono, ronladxbu buñ né rioʼbu galrrasaʼ por buñ ni rasian lidx (Deuteronomio 10:18). Radudybu xtiitzbu que sony reglarbu guirá galnagan ni cacaló guirá buñreʼ. ¿Ximod? Sonybu láani né xcalrracné Gobierno xtunybu ni noʼ guibá, láani sioʼni xalagary guirá gobiernos ni noʼ ló Gudxlio reʼ (Daniel 2:44; Mateo 6:10). Jehová saquiimbu Gobierno xtunybu par guinitlóbu Buñdzab (Romanos 16:20). Láani sony mandaryni ló guidopynac Gudxlio né ma diti sioʼ fronteras. Guiránac buñ sagobioo saʼ. Diti noʼ ni sasian lidx portín la Biblia ná: «Tigaagayibu sabú xan labaa balach né xan yac higos, né diti sioʼ ni satzuiby layibu portín Jehová ni rasanir ló xidalguixo soldad ma goniʼ láani» (Miqueas 4:4).

 Nosi Gobierno xtuny Dios sony reglar guirá galnagan ni cacalóno ló naareʼ. Jehová saquiimbu Gobierno xtunybu par guinitlóbu galnagan ni cacaló buñ ni casian xcudx. Guibiʼno tipnés ejemplos:

•   Guerr. «[Jehová] ranitlóbu guerr» (Salmo 46:9). Par ganlo ximod guinitló Dios guerr, bíil artículo ni laa «¿Cómo llegará a haber paz en la Tierra?».

•   Buñ cadudy ló castig. «[Jehová] sacné buñ ni cadudy ló castig» (Salmo 72:14). Par ganlo ximod labúu guitzaʼ tipnés buñ mod rony xpensary, bíil artículo ni laa «Guichocno ló galrrianladx».

•   Galsii. «[Jehová] salaa buñ pobre ni canab galrracné» (Salmo 72:12). Par ganlo ximod sabeʼ Jehová galsii por tipzó, bíil artículo ni laa «¿Es realista esperar un sistema económico justo?».

•   Galrralán. «Sioʼ ni guá buñ ló gudxlio» (Salmo 72:16). Par ganlo ximod sabeʼ Dios galrralán ló gudxlio, bíil artículo ni laa «¿Un mundo sin hambre?».

 ¿Labúu gacné la Biblia guirá buñreʼ la?

 Scú. La Biblia diti nosi raniʼ xi guicaʼ buñ ni casian lidx láaca radudyni consej par labúu guicalóyibu galnagan reʼ.

 Texto ni rareʼ loguiaʼ: «Diti tzoʼto ló galrrasaʼ por nitisi cós. Xalagary ngú, gonyto oración guinabto lóo Dios né guidudyto guixquix láabu; modreʼ Dios gan xi canabto, né paz xtuny Dios ni digaldi guieen buñgudxlio san xcalnabanyto né xpensaryto» (Filipenses 4:6, 7).

 Ni radudyni diitz: Ló nitisi galnagan ni cacalólo gonab lóo Dios tzoʼlo sacró né gapbu looy. Bíil artículo ni laa, «Filipenses 4:6, 7 | No se inquieten por nada».