Ló notísy nogoluʼ discurs de galrrianladx, buñ ni rony cós mal xtol galrrianladx, buñ ni rianladx buñ de stoib gudx né guerr.

•   «Guirá discurs de galrrianladx gocxiroʼni xtol galrradíil ni noʼ lad Israel né Gaza né buñ extremistas» (The New York Times, 15 de noviembre íz 2023).

•   «Desde dzú 7 de octubre, guirá buñ cabiʼ balaati cayacxiroʼ galrrianladx, discurs de galrrianladx né buñ ni rony cós mal xtol galrrianladx» (Dennis Francis, presidente de la Asamblea General de las Naciones Unidas, 3 de noviembre íz 2023).

 Guirá discurs de galrrianladx, galrradíil né guerr diti ni ndeʼga cayacni. Né la Biblia rasetlani de buñguieeu nadox ni bibany ló dzú ni see ni bioladx guerr, né ratzakni xtiitzyibu ni ronynaa né flech (Salmo 64:3; 120:7; 140:1). Per la Biblia rabexa que galrrianladx ni rabiʼno ló naareʼ maca non gacni.

 La Biblia radudy chop razón por ni nogoluʼ galrrianladx ló naareʼ.

1.  1. Goniʼ de toib tiemp ro xidal buñ ma diti sonladx saʼ (Mateo 24:12). Por ngú, xalagary gonladxyibu saʼyibu, mod nacyibu rony xiroʼyibu galrrianladx (2 Timoteo 3:1-5).

2.  2. La Biblia ná que «guidopynac gudxliogoxreʼ noʼni ladxña Buñdzab» (1 Juan 5:19; Apocalipsis 12:9, 12). Midid ni noʼ galrrianladx ló naareʼ nacni portín rakíilbu buñ gony cós mal.

 Per la Biblia láaca ná que Dios mápa mer cueʼbu galrrianladx. Diti ngúsi, láaca guisialbu guirá herid ni guisianni. La Biblia radudy xtiitz:

•   Dios «saspiichbu nís ni rareʼ bisalóyibu, né ma diti sioʼ galgoity, ma diti sioʼ galnabann, nili sioʼ galrribdxaʼ nili sioʼ galrrioʼob. Cós ni góc nírcu ma diti noʼni» (Apocalipsis 21:4).