¡NANÍSI COLGUIGUAʼ!
¿Xigony política ratzooni buñ? | ¿Xí ná la Biblia?
Buñ ni noʼ ló gadzéga partido político noʼyibu ló guidopy nac Gudxlio. Toib encuesta de Pew Research Center survey ná, que «65% de buñgox de 19 gudxrop ni góc galrranabdiitz layibu, náyibu que noʼ galrradíil lainy xcudxyibu portín tigaaga buñ rony apoyar gadzéga partido político».
¿Ma bidudylo cuent que guirá ndeʼ cayac xiroʼni lagary ro rabéslo la? ¿Xigony? ¿Labúu gac reglarni la? Gon xi ná la Biblia.
Guirá ni ratzoo buñ
La Biblia goniʼ que xtzúno, «ló dzú ni guidubylagaʼ», mod ñac tipnés buñ ñonyni que diti labúu naguaʼ buñ toibsi.
«Non ganlo que ló dzú ni ma guidubylagaʼ sieed tiemp nagan, né nagan par gony guantary buñ láani. Portín buñ nosi sioʼyibu galrrasaʼ por láasiyibu, [...] ni diti radxin toib acuerdo» (2 Timoteo 3:1-3).
Ná buñ né gobierno ronyibu dada rutirigaʼlni layibu por guiguaʼyibu toibsi. Buñ ni diti rony pensary xomod layibu, rasac naganyibu gonyibu dxiin toibsi par gony reglaryibu toib galnagan. Mod rarecaayibu radzakni né ni goniʼ la Biblia ma xidzú tiemp.
«Buñ rony mandary saʼ par gonybu mal láacabu» (Eclesiastés 8:9).
Per la Biblia raniʼni ximod gac reglarni: Toib gobierno ni labúu guinitló guirá galnagan ni noʼ ló naareʼ.
Toib rey ni rioʼ galrrasaʼ por buñ
La Biblia raniʼni de toib ni nantzay rasanir, Jesucristo. Jesús nap galnadip, galmandary né nainy láabu que guirá buñgudxlio guiguaʼ toibsi né sacró.
«Ló xtzúbu buñ ni rony xinésni siaal, né buñ sabany goxt» (Salmo 72:7).
«Guirá gudxrop sony xchiimbu» (Salmo 72:11).
Jesús rasanirtzaybu portín rioʼbu galrrasaʼ né nainy láabu gacnébu buñ, máspa guirá buñ ni stipnés diti buñ xinésni né layibu.
«Láabu salaabu buñ pobre ni cayopy galrracné, láaca buñdxo né guirá buñ ni diti nap galrracné. Sonladxbu buñdxo né buñ pobre, né salaabu buñ pobre. Sabeʼbu biinreʼ ladxña buñ ni catudy layibu ló galrrioʼob né ni cayonynaa layibu» (Salmo 72:12-14).
Bisuidy más de Gobierno xtuny Dios, gobierno ni noʼ guibá ro rasanir Jesús. Gon ximod labúu gacnéni looy né ximod labúu gacnélo gobierno xtunybu.
Bibiʼ video ni laa ¿Xí ngú gobierno xtuny Dios?
Bíil artículo ni laa «El Reino de Dios: un gobierno sin corrupción».
Sigory láaca sioladxlo ndeʼ
GALRRASUIDY NI DITI NAGAN
Gobierno xtuny Dios gosaló buny mandary íz 1914
De goloʼ 2.500 íz Dios buny que naniʼ xcaʼal toib rey ni nap galnadip né profecíacu cayac cumplirni ló naareʼ.
GUIICH NI CANIʼ
¿Chú gony mandary ló Gobierno reʼ?
Xidal buñ ni bicaʼ la Biblia bicaʼyibu ni racné lóono guimbuno chú gony mandary ló Gobierno xtuny Dios. Nosi Jesucristo rony cumplir guirá ni ritlaa reʼ.
DE LÓODO
Gonab ni tzáguen looy
Bisuidy ximod rabexa la Biblia tipnés galrranabdiitz o bisuidy más de testigos xtuny Jehová.
