Yaca, lóodo raninédo buñ ni ma goyonis xomod testigos xtuny Jehová ná ma diti rieeyibu yoʼ por yoʼ né ná ma diti radopyibu né lóodo. Ronydo xtem par guibigaxyibu Jehová né racnédo layibu guidopyibu né lóodo.

 Órni toib Testigo ni ma goyonis ronybu toib galkié rodann, labúu gac expulsarbu de congregación. Per ndeʼ diti racni ni maca, pal buñreʼ diti rasob ni ná la Biblia né ronybu galkié xidal buelt né diti rioʼobni láabu ni ma bunybu, orcúra ma rac expulsarbu. Né herman ma diti non guininé láabu. La Biblia nayadit raniʼni: «Colguilaʼk buñguieeu mal ni noʼ ladto» (1 Corintios 5:13).

 ¿Xí rac órni toib buñ rac expulsar per tzeelbu né xiimbu nacsayibu testigo xtuny Jehová? Galrronladx ni napbu tzeelbu né ximbioxbu diti radzaʼ, per ni radzaʼ ngú mod guiembu Jehová.

 Guirá ni ma góc expulsar labúu tzee Lagary roʼ radopdo né pal náni layibu, labúu guicaʼyibu xcalrracné ancianos. Guirá ndeʼ rac par guislooybu pal ma labúu gacbu Testigo. Pal toib buñ expulsad rasiambu mod gócbu né raslooybu que ma náni láabu guibanybu mod ná la Biblia, labúu guibiguetbu né gacbu xhermando stoib.