Yaca, guirá testigos xtuny Jehová diti napdo xí portín quiixdo diezmo. Guirá dxiin ni ronydo racni pór né bidxiich ni herman raduidy né guidopy xcalnabany. Per, ¿pu rareʼ costumbre ni buñ raduidy diezmo, né xigony diti rony testigos xtuny Jehová láani?

 Lad Ley ni cuaʼ gudx Israel goyoʼ mandary de naduidyibu diezmo o nabeʼyibu chii midid cós ni napyibu né naduidyibu tip mididsi par nacaʼ sacerdotes. La Biblia raniʼ nayadit que guirá ni racanal Cristo ma diti raquiin guisob ni ná ley cú ló naareʼ. Por ngú diti rac lafuers buñ guiduidy diezmo (Hebreos 7:5, 18; Colosenses 2:13, 14).

 Xalagary guiduidydo diezmo o tipnés cós lafuers, guirá testigos xtuny Jehová ronydo modca herman ni cuanal Cristo. Layibu gocnéyibu congregación de chop mod: biduidyibu bidxiich ni goniiny xcalnabanyibu naduidy né goniʼbu né bisuidyibu scásiʼ diitz ni sieed ló la Biblia.

 Ndeʼ radzak né ni ná la Biblia: «Cada toibto guiduidy xomod ma goniʼ lainy xcalnabany gony láani, diti de mal gan ni lafuers, portín Dios nadxiʼ buñ ni rioʼ nakit órni raduidy» (2 Corintios 9:7).