Testigos xtuny Jehová nigolú rioladxlo ranido de la Biblia né guirá buñ, dada né buñ ni ma góoch lóodo que diti nainy guicadiag. ¿Xigony? Portín nadxiʼdo Jehová né nadxiʼdo buñ (Mateo 22:37-39). Galnadxiʼ ni napdo Dios rachiinni lóodo guisobdo mandary ni bidudy Xiimbu de guinido «xtiitz Dios» (Hechos 10:42; 1 Juan 5:3). Por ngú, xomodca profetas ni bibany ló dzú ni see, raibydo buñ mensaj ni sieed ló la Biblia (Jeremías 25:4). Galnadxiʼ ni napdo buñ rachiinni lóodo guinido diitz sacró de Gobierno xtuny Dios a guiránac buñ, dada buñ ni bislooy que diti nainy gan, portín ndeʼ labúu guilaani layibu (Mateo 24:14).

 Né láaca, órni rabiguetdo lidx buñ ni bislooy que diti nainy gan, xidal buelt radzeldo buñ ni nainy guicadiag lóodo. Reʼ sieed tzón razón por ni ronydo láani:

•   Gadzé buñ rabés lainy yoʼcu.

•   Stipnés buñ ni rabés lainy yoʼcu, raslooy que nainy guicadiag lóodo.

•   Radzaʼ mod nac buñ. Ni cayac ló naareʼ ló Gudxlio o mod cadudy buñ, labúu gonyni que buñ guidudy cuent que raquiin guiyopyibu Dios né guiniiny ganyibu más de la Biblia (Mateo 5:3). Dada buñ ni racaló lóodo por ni ranido xtiitz Dios labúu guitzaʼyibu mod ronyibu pensary, xomod buny apóstol Pablo (1 Timoteo 1:13).

 Per, dipa rony lafuersdo buñ par guicadiag lóodo (1 Pedro 3:15). Ronydo crer, que tigaaga buñ non gan xi láani gony né religión xtuny (Deuteronomio 30:19, 20).