Guirá testigos xtuny Jehová raquiinyibu xidal clas biblias órni rasuidyibu. Ná scú nacni, Biblia ni más rioladxyibu ngú, Traduccion del Nuevo Mundo de las Santas Escrituras —noʼni ló xidal diitz ni raniʼ buñ— portín raquiinni laa Dios, né cuáni xomodpa sieed ló guiich ni cuá dada nírcu né rientzaayni.

•   Raquiinni laa Dios. Diti guirá buñ ni rony traducir la Biblia ronyxiroʼ laa Dios ni Bisaʼ láani. Guibiʼno ximod, noʼ toib Biblia ni rasetlaa laa más de setent buñ, ni buny dxiin ló traducción cú. Per diti bicaʼyibu ni toib buelt laa ni Bisaʼ láani nirdiguié: Jehová.

   Per Traducción del Nuevo Mundo diti nacni scú, láani sitnéni laa Dios xidal mil buelt ro cuáni nírcu, né diti racaʼyibu laa grupo de herman ni buny traducir la Biblia.

•   Cuáni xomodpa sieed ló guiich ni cuá dada nírcu. Noʼ stipnés Biblias diti cuáni xomodpa sieed ló guiich ni cuá dada nírcu. Toib mod ni labúu guibiʼno láani ngú ni ná Mateo 7:13 ro ná: «Entren por la puerta angosta, porque la puerta y el camino que llevan al infierno son anchos y grandes». Per mod ni cuáni nirdiguié diti raniʼni «infierno», xalagary ngú náni «galrranitló». Sigory guirá buñ ni bicaʼ diitzreʼ bunybu láani portín biluladxyibu que buñ mal non nacaa guii layibu por tipzó ló infierno. Per diti scú ná la Biblia. Por ngú, Traducción del Nuevo Mundo náni scareʼ «galrranitló» mod ni cuáni nirdiguié.

•   Rientzaayni. Toib galán traducción non guicaani mod ni cuáni nírcu, per láaca raquiin guienni. Guibiʼno ximod ná stipnés traducción. Mateo 5:3 náni: «Bienaventurados los pobres de espíritu». Per ndeʼ diti tampa rien buñ láani. Por ngú, Traduccion del Nuevo Mundo rony traducir diitzreʼ scareʼ: «Nakit guirá buñ ni nan que non guiyopy Dios».

 Traducción del Nuevo Mundo napni respet laa Dios, cuáni xomodpa sieed ló guiich ni cuá dada nírcu, né rientzaayni, né ni toib Biblia rigaʼl láani: portín diti radoʼni. Né ngú rony que xidal buñ roʼol láani ló xtiitz, ná pal diti napyibu bidxiich par siʼyibu toib Biblia.