Scú. Testigos xtuny Jehová guirási ór racnédo buñ ni cadudy ló desgrasy. Racnédo a guirá Testigos né stipnés buñ, ronydo láani mod sieed ló Gálatas 6:10 ni ná: «Gacnéno guirá buñ, per máspa la gacnéno ni nap toibsi fe né lóono». Né láaca rasialdodo né racnédo buñ modni rasacyibu portín nga ni más raquiin ló dzú ni nagann (2 Corintios 1:3, 4).

 Órni rioʼ toib desgrasy, ancianos de congregación de lagarycu rayopyibu mod guininéyibu guirá xiermanbu par ganyibu ximod noʼyibu né xí caquiinyibu. Ór cú raibyibu Betel xí cayac né xí galrracné ma cuaʼ herman.

 Pal guirá congregaciones ni noʼ lagarycu diti labúuni layibu gacnéyibu buñ ni caduidy ló desgrasy, Tidxó Buñ ni nap xiroʼ Galnann ni Rasanir nisló testigos xtuny Jehová rioʼyibu puext par gacnéyibu guirá herman reʼ. Betel raliña tipnés comités par guisaniryibu ló dxiinreʼ, né Testigos de stoib lad raduidyibu xtiempyibu né xpidxiichyibu (Proverbios 17:17). Ló primer siglo góc dxiin mod cuca órni tipnés herman godudyibu ló xiroʼ galrralán (1 Corintios 16:1-4).

 Tidxó bidxiich ni radxin Betel ni nap testigos xtuny Jehová raquiinyibu láani par gacnéyibu buñ ni cadudy ló desgrasy (Hechos 11:27-30; 2 Corintios 8:13-15). Né guirá ni racné, diti rabésyibu guiaxyibu por ngú guirá bidxiich raquiinyibu láani par órni noʼ desgrasy. Né láaca raquiin guienni que guirá bidxiich ni radop raquiinyibu láani né cuidad (2 Corintios 8:20).