Yaca. Guirá testigos xtuny Jehová nacdo buñ ni racanal Jesús, per diti nacdo protestante.

 Xidal buñ rien que guirá religión ni nac protestante, ngú religión ni racaló mod rasuidy Iglesia Católica Romana. Ná nigolú láani que testigos xtuny Jehová láaca diti racacuentdo xidal clas xcalrrasuidy religión Católica. Per lóodo diti racalódo layibu. Nigoreʼ guisuidyno chop razón:

1.   Xidalguixo xcalrrasuidy buñ ni racaló Iglesia Católica láaca diti radzakni né ni rasuidy la Biblia. La Biblia diti raniʼ que Dios nacbu tzón dios ló toibsi dios, xalagary ngú rasuidyni que nacbu «toibsi Dios» (1 Timoteo 2:5; Juan 14:28). La Biblia láaca diti rasuidyni que Dios ragoʼ buñ mal ló guii par tudyibu ló galrrioʼob por tipzó, ni rasuidyni ngú que Dios sanitló guirá buñ mal pór tipzó (Salmo 37:9; 2 Tesalonicenses 1:9).

2.   Diti rayopydo mod gonycopydo mod ni rasuidy Religión Católica né ni rasuidy stipnés religión. Ni náni lóodo gonydo ngú guisuidydo buñ diitz sacró de Gobierno xtuny Dios né gaibydo buñ guiluladx guirá diitz sacró reʼ (Mateo 24:14; 28:19, 20). Diti náni lóodo gonycopydo ni toib religión, xalagary ngú raniiny lóodo guisuidydo de Dios né de Xtiitzbu guirá ni ná guicadiag lóodo (Colosenses 1:9, 10; 2 Timoteo 2:24, 25).