Revista La Atalaya rareʼ por número 42 millón né láani ngú ni más ragaisy ló guidopynac Gudxlio. Ni rarop ngú revista ¡Despertad! rareʼ 41 millón. Guiropcani testigos xtuny Jehová rabeʼ láani né noʼni ló más de 236 gudxrop né lagary.

¿Né xí labúu guinino de stipnés revistas? Xomod ná The Association of Magazine Media, revista estadounidense ni más radoʼ ngú ni rabeʼ American Association of Retired Persons, láani ngú toib organización ni noʼ par buñ ni ma nap más de 50 íz. Revista reʼ rareʼ 22,4 millón de láani. Né revista alemana ADAC Mortorwelt rareʼ 14 millón de láani, né revista china Gushi Hui (ni raniʼ de historias né ni rasaclóo buñ) rareʼ 5,4 millón.

Né periódicos ni más rareʼ láani ngú el diario japonés Yomiuri Shimbun, rareʼ 10 millón.

Revistas ni rabeʼ testigos xtuny Jehová nacni ni más rac traducir, portín La Atalaya rac traducir ló 190 diitz ni raniʼ buñ, né ¡Despertad! rac traducir ló 80 diitz ni raniʼ buñ. Per periódico ni laa Reader’s Digest (ló dixtil laani Selecciones) rareʼni ló 21 diitz ni raniʼ buñ, né radzani según gudx ro riani.

Per diti por ngúsi stipnés guiich diti rigaʼlni La Atalaya né ¡Despertad! Guisetnaladxno que guiropca revistas reʼ riaʼni por donación ni raduidy buñ. Revistas diti rony anunciarni cós ni radoʼ né láaca scásiʼ rakiʼs herman láani.

Revista La Atalaya, rac imprimirni desde íz 1879, né raniʼni pórsi ni ná la Biblia, né máspa rasuidyni buñ xí láani gony Gobierno xtuny Dios. Revista ¡Despertad! raniʼ de xidal temas ni buñ rioladx gan —xomod xigony raquiin gac buñ paseinys né láaca raniʼni de guirá cós ni goyaʼ— par buñ gap fe lóo Dios. Láaca rabeʼ loguiaʼni ximod la Biblia racnéni buñ.