Tidxósi páginas, más diitz
De goló beʼo enero íz 2013, ¡Despertad! né La Atalaya ni rareʼ par guirá buñ ma nosi sitnéni 16 páginas xalagary guitnéni 32.
Gocni scareʼ portín modreʼ revistas labúu gac traducirni ló más diitz ni raniʼ buñ pór ni ma más goxési diitz sitnéni. Dada nigoreʼ ¡Despertad! de diciembre íz 2012 ma góc traducirni ló 84 diitz ni raniʼ buñ né La Atalaya de diciembre íz 2012 ma góc traducirni ló 195 diitz ni raniʼ buñ. Per de goló enero íz 2013 ¡Despertad! ma rac traducirni ló 98 diitz né La Atalaya ló 204 diitz.
Revistas La Atalaya ni rasuidy testigos xtuny Jehová ló xireunión diti sadzaʼ sitnéni 32 páginas.
Tidxósi páginas ló guiich, más páginas ló Internet
Ni revistas guitnéni ma tidxósi páginas ndeʼ sony que lagary ni napno ló Internet jw.org sadzaʼni de chop mod.
Tipnés guiich de revistas nosi sioʼni ló jw.org. Ladni noʼ: «El rincón del joven», «Mis primeras lecciones de la Biblia» né mod rac graduaciones de Galaad (ni ritné La Atalaya par guirá buñ), né láaca «Actividades para la Familia» né «Los jóvenes preguntan» (ni ritné ¡Despertad!).
La Atalaya né ¡Despertad! ma xidal íz de goló rareʼni ló jw.org ló formato PDF, nigoreʼ láaca ma guireʼni ló formato HTML. Nigoreʼ ma labúu goʼol buñ láani ló computadora o ló celular. Láaca buñ diti sasac nagann goʼol guirá xquiichno. Ni sioʼ ló Internet ló 400 diitz.