LAGARY ni laa siciliana de Saponara (Italia), testigos xtuny Jehová cuaʼyibu toib placa por dxiin ni bunyibu ni gocnéyibu buñ por ni biaʼpy guel nís né buny galkié lainy gudxcú.

Dzú 22 de noviembre íz 2011 binitló tipnés gudx né ranch de Mesina por ni biaʼpy guel nís. Gueʼel cú bireʼ beʼn né bigaityni toib mbioxien né chop buñgox ló gudx Saponara.

Stipnés dzú testigos xtuny Jehová bitopyibu xidal buñ ni ná ñacné scásiʼ par nabeʼyibu been né yoʼ balaʼ lagary ro más goyoʼ desgrasy.

Guirá herman bunyibu dxiin toibsi né buñchiin, né goyoʼyibu puext gacnéyibu ro buñ caquiin galrracné né diti bisian bunyibu dxiin ná ma godudy desgrasy rodann cú. Guirá dzú bidxin gahxca cincuent né ochent Testigos par gacné né goyoʼ ni gosaa más de 97 kilómetros (60 millas).

Xidal buñ ni gosaclóo desgrasy cú biduidyibu guixquix testigos xtuny Jehová por galrracné ni cuaʼyibu. Toib buñchiin guirága ór gochbu testigo xtuny Jehová: «Non guisuʼ buñ mod ni ronyto».

Gáay beʼo de goló godudy desgrasy reʼ toib buñchiin ni laa Fabio Vinci ni rony dxiin yolay, biduidybu toib placa a testigos xtuny Jehová de lagarycu.