Dzú 6 a 16 de juny íz 2013, xidalguixo buñ ni noʼ ló guidopynac Gudxlio goyeeyibu roʼ radxin bark ni laa Ruán ni riaʼan niis roʼ ralainy Govitz ló gudxrop ni laa Francia, par guibiʼyibu xidalguixo bark xirop ni noʼ ló: la Armada.

Después ni guirá bark gosaa más de 120 kilometros (75 millas) ló guʼuc ni laa Sena, ni radudy galay gudx ni laa Normandía, guirá bark ni más xirop né ni móz nac ni noʼ ló Gudxlio bidxinni gosagaʼni né biquiinni 7 kilómetros (4 millas) par labúu gosagaʼni ló malecón ni goctzay par labúu guidxinni. Por chii govitz guirá buñ ni goyee lagarycu biaʼpyibu lainy tipnés de 45 bark ni más xiroʼ ni goyoʼ cú.

¿Xí láani buny que nadxingolu buñ? Según organizador né fundador de la Armada órni buñ rabiʼyibu gaxtiguié guirá bark xiroʼ ni rasobló láani ronyni que guiniʼ xcaʼal buñ. Portín xidal buñ ná nacyibu bimbiox né nigox órni rabiʼyibu guirá bark xiroʼ reʼ rieed ló xpensaryibu né raniʼ xcaʼalyibu gapyibu libertad.

Xidal mil de buñ ni casaa de vacación lagary reʼ láaca bicadiagyibu de stoib clas de libertad, láani ngú ni rasuidy la Biblia (Juan 8:31, 32). Órni gosaayibu lainy gudx Ruán, goyoʼyibu néz nabé roʼ dxee xidal buñ lainy gudx golien de lagarycu né bibiʼyibu camionguien ni sitné libros né guiich ni nap testigos xtuny Jehová. Órni tipnés buñ ni casaa de vacaciones né marineros rabigaxyibu ronoʼ camionguien reʼ, herman raiby layibu que labúu guicaʼyibu libros sin quixyibu láani. Xidalyibu bioladx La Atalaya de beʼo juny íz 2013, ni bitné tema ni laa: «¿Cuándo desapareceran los prejuicios?». Láaca herman biruʼ layibu par nacadiagyibu toib discurs ni rareʼ ló la Biblia, ló diitz francés, inglés o ló dixtil.

Tipnés buñ ni bidxin lagarycu biduidyibu guixquix por xtem ni buñ guirá testigos xtuny Jehová. Toib xoʼ, bidziguiaʼ órni bibiʼbu stipnés testigos né toib camionguien ni nap libros né guiich, né ór cú goniʼbu: «¡Rabaladxi ni bidzela lóoto reʼ! Diti rony crer ni lóoto ronyto crer, per radziguiaʼya guirá buñ ni nac xomod lóoto por ni nacto fiel ni lóoto casuidyto». Chop buñgol gochyibu a chop mbioxhlas Testigos scareʼ: «Non guisac sacróto por ni ronyto scá».