¿Bideʼe debiaʼa gunho?

50 ¿Chhaʼklhallu suʼu tushizeʼe gan neke wuen lhau paraiʼso?

Nha lhiaʼa gseʼdechhu kan neke den llnha Dioʼsen. Bsiʼ xnezen gsedu glhabu Biblian (Juan 17:3; Apocalipsis 1:3).

51 Bseʼdech che Jesuʼsen (Deuteronomio 18:18, 19; Juan 3:16; Hechos 3:19-23).

52 Bsiʼ xnezen ghunhu por de wuen nha bziʼ che Jeoba (Romanos 6:17, 18, 22).

 53 Shjenheido, Jeoba llnhe dek bi debiaʼa gutchu bene (Éxodo 20:13; 1 Juan 3:11, 12).

54 Bi debiaʼa kaʼa chhu lhau benen de nheke chie (Éxodo 20:15; Efesios 4:28).

55 Nhi tu bene byun ka debiaʼa sulhenhe nhulhen nha gateʼ lhenhe leʼe shi bi nheke xhulhekze (Éxodo 20:14, 17; 1 Tesalonicenses 4:3).

56 ¿Shjenheido bale xhulhen o nhulhen nhueʼ Dioʼsen lhatj suʼu lhen bene byun? ¿Gake zshaʼa niʼteʼe lhen ljuellen? (Génesis 2:22, 24; Mateo 19:5, 6; 1 Corintios 7:2, 10, 11.)

 57 Jenheidkze, debiaʼa, shejnhilhallechu tuze Jeoba (Mateo 4:10; 1 Corintios 8:6).

58 Iʼdolokaʼa nha lwuasakeka bi gake saklhenhen chhiuʼ. ¿Bixcheʼen? (1 Corintios 8:4.)

¿Nheken wuen gapchu iʼdolokaʼa? (Deuteronomio 27:15; 1 Juan 5:21.)

59 ¿Bixcheʼen nheken malh chindchhu den llchind bene wueshaʼn? (Deuteronomio 18:10-13; Apocalipsis 21:8.)

60 Angl malhka, ben nziʼ dexiwue, besebieʼe Dioʼsen. Chesechinde bene wueneyaʼaka par tsiyeʼe benen (Hechos 16:16).

 61 Debiaʼa gunchho orar Dioʼsen. Orar zejen lillchu Dioʼsen. Yeʼchunhe dek chhaklhallechhu gunchho xshineʼ, nha nabdchhunhe gaklhenhe (Filipenses 4:6, 7).

62 Debiaʼa sichhuʼ che Jesuʼsen nha shejlechho chieʼ lhen lhashdauchhu (Hebreos 5:9; Juan 3:16).

63 Jenheidkze leʼe gute par yesle chhiuʼ (Romanos 5:8).

 64 Jenheidkze dek Jesuʼsen nheke Rey chechhu dek bi gake lheidchhunhe. Debiaʼa sichhuʼ chie (Filipenses 2:9-11; Apocalipsis 19:16).

 65 Jesuʼsen bnhe dek debiaʼa gshaljlhenhu bene kan nheke de wuen den tsedun nha shi nhude chheʼnde gunhe xshin Dioʼsen debiaʼa chhue nhis (Mateo 28:19, 20; Juan 4:7-15).

66 Nha lhiaʼ, wuake gshaljo lhen xmigoka den nheke deʼe wuenan (Mateo 10:32).

67 Shi gsedu glhabu wuen, gsedechhu deʼe zaʼn nha wuake wuallaʼchhu benen (2 Timoteo 2:15).

 68 Jesuʼsen nha blueiksede bidauʼka par yeseziba che Dioʼsen. Bi nachu bi beʼnen chieʼ par gshaljlhenheba (Mateo 19:13-15).

69 Xaxnabakaʼa debiaʼa glhueide xhiʼnen par yeseziba che Dioʼsen nha seʼkdba chieʼ (Deuteronomio 6:6, 7; Proverbios 6:20-22; Efesios 6:4).

70 Nhite zaʼn religioʼnka. Zaʼn den shlhueide nhaʼ bi nhiten lhau Biblian. Jeoba llnhe chhiuʼ yechujchhu lhen religioʼnka gan ka shlhueide de tulin (Apocalipsis 18:4; Juan 4:23, 24).

 71 Jeoba nhape lhau Yellʼlhiun bene gake glhueide lheʼe par gunbiunhe wuen. ¿Neʼsdu nhukxheden? (Hechos 15:14; Romanos 10:14, 15.)

72 Leʼe testig che Jeoban. Leʼen nhite wuen. ¿Neʼsdu bixcheʼen? Por tsekde che ljuelleka (Isaías 43:10-12; Juan 13:34, 35).

73 Nha tsekde che Jeoba, por denha chhese chhue nhis. Nha tsunhe denha par kaʼa benen sakbeide dek ba beseilhende che de malh den bsunhe nha tsaklhalle sunhe xshin Dioʼsen par dulul yelenban chien (Hechos 2:41).

 74 Testig che Jeoba chesebeze niʼteʼe luʼu paraiʼso kobe wuen (Salmo 37:9-11, 29).

¿Bideʼe gake gunho par suʼulhenhu nhe nha? (Santiago 1:22, 25; 2:20-26.)

75 Gsedu lheʼnhe gunho xshin Jeoba. Leʼen tsekde nha chhesezie che Jeoba nha che Kristʼ Jesuʼsen. Lheʼe, ¿chhekdu chieʼ? ¿Chhaʼklhallu gaklhenhu benen par sumbieʼe Dioʼsen? (Juan 6:45-47.)

 76 Jeoba nha Kristʼ Jesuʼsen tsekde chhiuʼ nha tsaklhalle dek suʼu tushizeʼe luʼu paraiʼson (Juan 3:16).

Chhaklhalletuʼ dek yebeidu su tushizeʼe lhau Yellʼlhiun ka naʼ ba bnezdu den zeje dibugki nha dille che foyeʼton. Shi shbeidu gsedechhu che denhi, llnhatu leʼe gshaljo lhen tu testig che Jeoban lhallu bene su gallinch. O bzuj tu yish ka gan chhunhe foyeʼto nhi, shi bi chhako gzuju gush nhude gzuj por lheʼe, nha bselen ga chheganech gallinch par lheʼe par de nha bwia direksion che yish gchupe che foyeʼton.