¡Bzibanhes tushizeʼe yelenban lhau Yellʼlhiun!

Bentu foyeʼto nhi par gaklhenhen lheʼe nha nesdu nhude bxe Yellʼlhiun nha yugeʼ den deʼe lhauʼnan. Lheʼe nesdu dek Dios ben bxe Yellʼlhiun nha nzi lheʼe. Nhikse natulheʼ bixchen Dioʼsen bxieʼ benen nha bide gunho par sibanhezo tushizeʼe yelenban lhau Yellʼlhiun.

Chhaklhalletuʼ dek yugeʼ dibugki gaklhenhenleʼe nha shejnhidu dehni wuen. Glhabu yugeʼ tekstʼ che Biblian den nyuj kuit zaʼn dibugʼka par shejnhidun wuen. Nha kaʼa lheʼe glhabu baleʼe de wuen den shna Dioʼsen gunhe nha nyujksen leʼe Biblian, nha nesdu deʼen shna Dioʼsen gunho par lheidu nhak gake deki.

Shi chhaklhallu, wuakekse chindu foyeʼto nhi par gaklhenhu bene yublhe. Shi nhite xhinu, wuake chindun par gaklhenhen lebaʼ nha gsedbaʼ che Dioʼsen. Shi zuʼ ga nhite bene wuak bi chhak glhab, wuake chindu dibuʼgun par gacklhenhu beneki nha nesde den nwuiaʼ Dioʼsen gunhe, nhakaʼa leʼe saklhenhe bene wuelhillchie.

Dulhaʼlletu chhaklhalletuʼ dek foyeʼto nhi gaklhenhen lheʼe par xhueidu yelewuak che Dioʼsen, nha glhueidu beneʼ yublhe nhak sueʼe tushizeʼe lhau Yellʼlhiun.