LECCIÓN 02
Biblia chhunen chhio tu de wen de shbezchho
Lhau dulhu yellʼlhiu, bene chhezetile de zed nha denhi chhunhen ga chhezeiwinede, chhezeshayichje nha nsan yelezi par leʼe. ¿Ba guk chiw ki? Xhullkse lhe shchaglhawo chheido tu yillwe o ba gut tu familh chiw, nha shnabde kuinho shi ullin lla yezu binlo. Biblia chhunen chhio yelexhenlalle de zelhaw de wen.
1. ¿Bi de wen shnha Biblia kuezchho?
Biblia shnhan bixchen detek de zed lhau yellʼlhiu. Lekseka, nsan tu de wen par chhio, dek xtitze shchaglhauchho nha yuge deki yenhiten. Biblia shnhan «de ze za kuezlhe tu de wen» (blhab Jeremías 29:11, 12). Den shbezchho nhi gaklhenhen chhio naʼ par utilchho de zed de nhapchho nha zuchho mbalhaz. Nha lekseka dxenlallen chhio dek wake zuchho mbalhaz par tushize.
2. ¿Nhak shnha Biblia gak de ze za?
Biblia shnhan dek du billa «Diosen goneʼ kont bich gak da yesyeyashelhallede, da yesyewinede o da yesebelle chen. Nono gat, nono shey la» (blhab Apocalipsis 21:4). Bit gatech da zed den chhunhen ga shchaglhauchho, ka yeleyashe, den dzunde chhio ka nlaze, yillwe nha yelegut. Biblia shnhan dek benach zibanheze tu yelemban par tushize lhau Yellʼlhiu kate yeyaken tu paraíso.
3. ¿Bi de gaklhen lhe ga uxenlallo den shnha Biblia gake dubilla?
Zan bene chhezebeze deke yella kan chhak nella, dek yezuchho binlo, per lage yuge dsejlie deke gake ki. Lhen Biblia bit chhak ki. Wake uxenlallechho den shnhan shi dzedchho wen ka den nyojen (Hechos 17:11). Denhi gaklhenhen lhe ga tuwalhazo yechhugdo shi shejlio ka den shnhan gake dubilla.
UZEDCHHO WEN TEMA NHI
Uzedchho bale den shnha Biblia gake dubilla. Nha wiachho nhak den shbezchho nhi ba chhaklhenhen bene nella.
4. Biblia shnhan gak tu de wen de ze za, dek zuchho binlo par tushize
Wiashk bale de gake dubilla de shnha Biblia. ¿Nhun chhebeilldo lhe? ¿Bixchen?
Le ulhab texto che Biblia den zak nhi nha le ushalj che denhi:
-
¿Chhekdo deke text ki chhunen tu de wen de wake kuezchho gak dubilla? ¿Chhekdo dek wake gaklhenhen bene lu yoʼ nha bene xmigu kaʼ?
Benshke xbab zu tu yellʼlhiu ga chhak ki:
|
NITU BENE... |
YUGE BENE... |
|---|---|
|
|
|
|
|
|
|
|
|
|
5. De wen den shnha Biblia gake, chhunhen wen yelemban chhechho naʼ
Zan bene chhezewinede axtu chhezeluke por de zed den lli lhau yellʼlhiu. Zanhe dzunhe axtu ga zelhawze par yella kan chhaken. Wia nhak den shnha Biblia chhaklhenhen zan bene nella. Le wia VIDEO nha le ushalj che denhi:
-
Kan blheichho lhau video, ¿bi de ka biazlhalle Rafika?
-
Lakse den bchhaglhau Rafika bit benhiten, ¿nhak guklhen Biblia leʼ?
Den shnha Biblia gake dubilla chhaklhenhen chhio par utilchho den shcha yichjchho nha zuchho mbalhaz lakse shtilchho de zed. Le ulhab Proverbios 17:22 nha Romanos 12:12, nha le ushalj che denhi:
-
¿Chhekdo dek den shnha Biblia gake gaklhenhen lhe lhau yelemban chiw nella? ¿Bixchen?
DE CHHEZENHA BALE BENE: «Zite wen nheke den shnha le Biblia par gaken deliʼ».
-
Shi deʼe de shluen dek den shnha le Biblia gaken, ¿nheken wen uzedchhon? ¿Bixchen?
DE LLIALHAU
Biblia shnhan de zan de wen de gak dubilla, denhi chhaklhenhen chhio nha chhunhen ga yelemban chechhon gaken wen lakse shtilchho de zed.
De bzedchho
-
¿Bixchen lliaxjde bene kueze tu de wen?
-
¿Bi shnha Biblia gake dubilla?
-
¿Nhak wake gakelhenhen lhe naʼ kuezo tu de wen?
GA NEZELLDO CHE DENHI
Bzedesh che den shbezchho gake dubilla.
«Yeleshbezen: ¿ga yellelechhon?» (¡Despertad!, 22 che abril che 2004)
Nhi nezdo nhak den shbezchhon ba guklhenhen benen ba guk scha dseide tu yillwe.
«¿Wake gaklhen Biblia chhio ga utilchho tu yillwe?» (Artículo che jw.org)
Kate wio video benshke xbab deke bach chhezibanhezo lu Paraíso yelemban den shnha le Biblia.
Blhab nhak guklhen de wen den shbezchho den za le Biblia tu bene par guk bshe yelemban chie.
«Bituch chhaklhalla yesha kan chhak lhau yellʼlhiu nhi» (La Atalaya, 1 che julio che 2013)
