Nhak zichho banhez tu tu lección de uzedchho
Tu bene yoble wake gaklhenhe lhe par uzedo publicación nhi. Wake nabo lhen benen benʼ lhe follet nhi par ulhueide lhe o lekseka wake nabo yezelhueide lhe le página che Internet, jw.org.
DE NHECH
Blhab yuge párrafo kaʼ. Nsan de shnabe de zak por numero (A) nha text che Biblia de zak letr gasj (B) de shbejlhau den nhake de llialhau. Bale gan zak text che Biblia shnhan dek chheyale ulhabchho deki.
DE UCHHUPE
Lhau párrafo de nhech che sección «Uzedchho wen tema nhi» dsetjen bixhen de ze uzedchho (C). Subtítulos den zak por número shluen bixhen den shbejlhau (D). Blhab text che Biblia, bechebe den shnabe nha wia videos kaʼ (E).
Wia dibuj kaʼ nha den nyoj bixhen sjazejen (F), nha ben xbab bi yechebo gan shnha «De chhezenha bale bene» (G).
DE UYONE
Leccion kaʼ chheyullen lhen «De llialhau» nha «De bzedchho» (H). Nha usojo bi lla beyull bzedo lección. Lhau recuadro den nzi «Wake gunho den shnha nhi» gaklhenhen lhe ga uzedechho wen (I). Lhau sección «Ga nezelldo che denhi» yelleldo zan artículos nha videos de gaklhenhen lhe (J).
Nhak yelleldo tu text che Biblia
Kate za tu texto che Biblia nsan libr che Biblia (A), capítulo (B) nha versículo o versículos (C). Ka denhi, Juan 17:3 sejen «libro che Juan, capítulo 17, versículo 3».
