«Dios gone kont bich gak da yesyeyashelalle de [...]. Nono gat, nono shey la.» (Apocalipsis 21:4, Dižaʼ güen che Xancho Jesucristo, nyojen letr da shchinhe nella.)

Shnezechho dek Dios bit nhape dole por da zed da shchaglhauchho (Santiago 1:13).

Dzuan chhio wen shnezechho dek Dios numbie yelezi da shtilchho (Zacarías 2:8).

Dxenlhallen chhio dek yenhit yelezi (Salmo 37:9-11).

Wake, wiachho bixchen:

• Dios chgeide yelezi nha ben tzakezi bene yoble. ¿Nhak gukde Jeoba kate bzunde zban yell chie kanhite? Biblia shnan dek guk zii lhalldawe kate blheide yell yoble besezakezie bene ki (Jueces 2:18).

  Dios bit chhazlhalle ben chhesezakezie bene yoble. Biblia shnan dek Dios chgeide ben chhute bene wen (Proverbios 6:16, 17).

• Dios nzu yichje tu tu bene. Biblia shnan: «Naʼ chheyale wkuancho yogolol da chi yichjchho chen lo na Dios, le len chwia chneʼe chio» (1 Pedro 5:7).

  Ba zu galze Dios uchinhe yeleunabia chie par yeke yelezi da shtil tu tu benach (Apocalipsis 11:15). Shlak llin lla gunhen, chheyuexhenhe yuge bene chheyilj leʼ duyichj dulhalle (Hechos 17:27; 2 Corintios 1:3, 4).