Ingabe IBhayibheli Lingangisiza Uma Ngicindezelekile?
Impendulo YeBhayibheli
Yebo, ngoba usizo olungcono kakhulu luvela ‘kuNkulunkulu, oduduza, akhuthaze, aqabule futhi enamise labo abadangele.’—2 Korinte 7:6, The Amplified Bible.
Lokho uNkulunkulu akunika abacindezelekile
Amandla. UNkulunkulu ukwenza ‘uqabuleke futhi wename,’ hhayi ngokuqeda zonke izinkinga zakho, kodwa ngokuphendula imithandazo yakho lapho ucela amandla okubhekana nazo. (Filipi 4:13) Ungaqiniseka ngokuthi ukulungele ukukulalela, ngoba iBhayibheli lithi: “UJehova useduze nalabo abaphukile enhliziyweni; futhi uyabasindisa abanomoya ochobozekile.” (IHubo 34:18) Eqinisweni, uNkulunkulu angakuzwa lapho udinga usizo ngisho nalapho wehluleka ukuyichaza ngamazwi indlela ozizwa ngayo.—Roma 8:26, 27.
Izibonelo ezinhle. Omunye umlobi weBhayibheli wathandaza kuNkulunkulu: “O Jehova, ngikubizile ngisezinzulwini.” Lo mhubi wabhekana nokucindezeleka ngokukhumbula ukuthi uNkulunkulu akasibaleli iziphambeko zethu. Kunalokho wathi kuNkulunkulu: “O Jah, ukube ububheka iziphambeko, Jehova ubani obengama? Ngoba unentethelelo yeqiniso, ukuze wesatshwe.”—IHubo 130:1, 3, 4.
Ithemba. Ngaphandle kokusinikeza induduzo manje, uNkulunkulu uthembise ukuqeda zonke izinkinga ezisenza sicindezeleke. Lapho efeza leso sithembiso, “izinto zangaphambili [kuhlanganise nokucindezeleka] ngeke zikhunjulwe, futhi ngeke zifike enhliziyweni.”—Isaya 65:17.
Phawula: Nakuba beluqaphela usizo uNkulunkulu alunikezayo, oFakazi BakaJehova bayaya kodokotela lapho bephethwe izifo ezinjengokucindezeleka okukhulu. (Marku 2:17) Nokho, ayikho indlela ekhethekile yokwelapha esiyikhuthazayo; sinomuzwa wokuthi umuntu kufanele azinqumele ngempilo yakhe.
Okunye Ongase Ukuthande
PHAPHAMA!
Ukucindezeleka Kwentsha—Kubangelwa Yini? Yini Engasiza?
Funda indlela yokubona izimpawu kanye nezimbangela zokucindezeleka. Thola ukuthi yini abazali nabanye abangayenza ukuze nabo basize.
IMIBUZO YEBHAYIBHELI IYAPHENDULWA
Angisafuni Ukuphila—Ingabe IBhayibheli Lingangisiza Lapho Ngifuna Ukuzibulala?
Umuntu ofuna ukuzibulala angasithola yini iseluleko esiwusizo eBhayibhelini?
IZIMFUNDISO ZEBHAYIBHELI EZIBALULEKILE
Kungani UNkulunkulu Evumela Ukuhlupheka?
Abaningi bayazibuza ukuthi kungani umhlaba ugcwele inzondo nokuhlupheka kangaka. IBhayibheli linikeza impendulo eyanelisayo neduduzayo.
AMAVESI EBHAYIBHELI AYACHAZWA
IHubo 23:4 Liyachazwa—“Noma Ngihamba Esigodini Sethunzi Lokufa”
Ngisho nalapho bebhekene nezinsuku ezinzima ekuphileni, uJehova ubanakekela kanjani lapho abamkhonzayo?
MAYELANA NATHI
Cela Isifundo SeBhayibheli
Thola izifundo zeBhayibheli ngesikhathi nasendaweni evumelana nawe.