NOVEMBA 6, 2018
E-ARGENTINA
Umkhankaso Omkhulu Wokushumayela Ngesikhathi Sama-Summer Youth Olympic Games Ka-2018 E-Argentina
Kusukela ngo-Okthoba 6 kuya ku-Okthoba 8, 2018, oFakazi baba nomkhankaso okhethekile wokushumayela phakathi nesikhathi semidlalo yama-Summer Youth Olympic Games ka-2018, eBuenos Aires, e-Argentina.
Ababengenele umncintiswano abavela eSaint Kitts naseNevis, baya ezinqoleni. Kwakuhanjiswa amakhulu ezincwadi usuku ngalunye phakathi nalo mkhankaso.
Kunabantu abangaphezu kuka-4 000 ababengenele lo mqhudelwano, bevela emazweni angaphezu kwangu-206. Lo mqhudelwano, kuthiwa uphakathi kwemikhulu kunayo yonke emhlabeni eyenzelwe intsha eneminyaka ephakathi kuka-15 no-18. OFakazi abangaphezu kuka-6 400, bahlanganyela emkhankasweni wokushumayela kubantu abavela emazweni amaningi ababeze kule midlalo. Abafowethu babeka izinqola ezingu-390 zokukhangisa ngezincwadi ezisekelwe eBhayibhelini ezindaweni ezicishe zibe ngu-100.
Njengoba kuyintsha esuke ingenele lo mqhudelwano, abafowethu bakhangisa ngencwadi ethi Intsha Iyabuza—Izimpendulo Ezisebenzayo kanye nencwajana ethi Izimpendulo Zemibuzo Eyishumi Ebuzwa Yintsha. Izincwadi bezitholakala ngezilimi eziningi ezihlanganisa isi-Arabic, isiShayina, isiNgisi, isiFulentshi, isiJalimane, isiKorea, isiPutukezi, isiRashiya, iSpanishi, noLimi Lwezandla Lwase-Argentina. Usuku ngalunye kwakuhanjiswa izincwadi ezingaba ngu-790.
Abafowethu nodadewethu abahlanganyela kulo mkhankaso bakujabulela ukunikeza abantu abasha nabadala ithemba elivela eBhayibhelini.—IHubo 110:3.
Okunye Ongase Ukuthande
EZISANDA KUKHISHWA
OFakazi BakaJehova Bakhangisa Ngezincwadi ZeBhayibheli Kuma-Olympics Nakuma-Paralympics Ka-2018
Ngesikhathi kunemidlalo yasebusika, oFakazi BakaJehova eKorea baba nomkhankaso okhethekile wokunikeza izihambeli zakwamanye amazwe izincwadi ezifundisa ngeBhayibheli mahhala