NgoSepthemba 26, 2018, iNkantolo Ephakeme “YaseDonetsk People’s Republic” (e-DPR) ikhiphe isinqumo sokuthi inhlangano engokwenkolo yoFakazi BakaJehova “iyingozi emphakathini,” yabe isivala yonke imisebenzi yenkolo ehlobene nayo kule ndawo. Ngesikhathi kuqulwa leli cala, umshushisi kanye neNkantolo abazange bakhulume noFakazi BakaJehova. Ukuvalwa kwemisebenzi yethu kunezela kokunye ukucindezelwa kwenkolo yoFakazi BakaJehova obese kuvele kukhona kule ndawo.

Maphakathi no-2017 iNkantolo Ephakeme Yase-DPR yathi ezinye zezincwadi zethu “ziyingozi emphakathini,” ngemva kwalokho abafowethu baqala ukubhekana nobunzima ezindaweni zeDonetsk neLuhansk eziseMpumalanga ye-Ukraine. Kulowo nyaka amaphoyisa asesha imizi yoFakazi engaphezu kuka-170. Iziphathimandla zakulezo zindawo zenza uhlelo lokuba kuthathwe amaHholo OMbuso. Ngo-Agasti 29, 2018, besekuthathwe amaHholo OMbuso angu-16.

Nakuba behlaselwa, abafowethu nodadewethu kulezi zindawo bayaqhubeka bethembele ‘kuNkulunkulu wensindiso.’—IHubo 18:46.