NOVEMBA 6, 2020
E-UNITED STATES
ISiphepho UZeta Sicekele Phansi ENingizimu-mpumalanga Ye-United States
Indawo
ENingizimu-mpumalanga Ye-United States
Inhlekelele
Isiphepho esinomoya onamandla seSigaba 2 sahlasela eLouisiana ngo-Okthoba 28, 2020, ngaphambi kokuba sishintshe sibe yimvula enamandla futhi sadlulela nakwezinye izingxenye eziseningizimu-mpumalanga yezwe lase-United States
Isiphepho esinamandla sihlasela izingxenye ezigudle ugu futhi imimoya enamandla icekela phansi impahla, ibangele nokunqamuka kukagesi
Indlela abafowethu nodadewethu abathinteke ngayo
Abamemezeli abangu-324 balahlekelwa yindawo yokuhlala noma kwadingeka babaleke ezindaweni zabo
Ummemezeli oyedwa wathola imihuzuko
Ukulimala kwempahla
Imizi engu-291 namaHholo oMbuso angu-14 kwalimala kancane
Imizi engu-8 namaHholo oMbuso amathathu kwalimala kakhulu
Umuzi owodwa wabhidlika ngokuphelele
Imizamo yokunikeza usizo
Abadala bendawo nababonisi bezigodi benza ukuhambela kokwalusa futhi uma kudingeka banikeza nosizo lwezidingo ezingokoqobo kubafowethu nodadewethu abathintekile. IKomiti Yokunikeza Usizo Ezinhlekeleleni ayayimiselwe ukusingatha i-COVID-19 neSiphepho uLaura kule ndawo, iyona enikeza usizo nakulabo abakhahlanyezwe yiSiphepho uZeta, ngesikhathi esifanayo kube kulandelwa izinyathelo zokuphepha ze-COVID-19.
Siyadabuka ngendlela lesi siphepho esikuphazamise kabuhlungu ngayo ukuphila kwabafowethu nodadewethu. Kodwa nakulokhu futhi, uthando lukaJehova oluqotho kubakhulekeli bakhe lusobala kulo msebenzi wokunikeza usizo owenziwa abafowethu.—IHubo 89:1.