SEPTHEMBA 1, 2020
E-UNITED STATES
Imililo Yequbula Icekela Phansi Intshonalanga Ye-United States
Indawo
ENyakatho YeCalifornia Nase-Oregon
Inhlekelele
Ukushaya kwemibani engaba ngu-14 000 kanye neminye imithelela kubangele imililo yequbula engaphezu kuka-700 ehlukahlukene, eshise indawo engaphezu kwama-acre ayisigidi kulo lonke elasenyakatho yeCalifornia nezingxenye ezithile ze-Oregon
Intuthu nomlotha kungcolise umoya ngezinga lokuthi akusaphephile ukuwuphefumula. Ngo-Agasti 21, kwabikwa ukuthi inyakatho yeCalifornia yayinomoya ongahlanzekile ukwedlula noma iyiphi enye indawo emhlabeni
Emibili yale mililo eyayibhebhetheka kubikwa ukuthi ingeyesibili neyesithathu ngobukhulu kuyo yonke imililo yequbula emlandweni waseCalifornia
Indlela abafowethu nodadewethu abathinteke ngayo
Abamemezeli abangu-936 kudingeke ukuba bathuthe emakhaya abo bayohlala endaweni yokukhosela isikhashana
Ukulimala kwempahla
Imizi emibili yabamemezeli ishe yangqongqa
Imizamo yokunikeza usizo
IKomiti Yokusiza Ezinhlekeleleni, ababonisi bezigodi nabadala bamabandla endawo basebenza ngokuzimisela ukuze basize labo abathintekile
Abafowethu nodadewethu bachichima ukubonga ngosizo abaluthola kubafowabo abangamaKristu. Omunye umfowethu wathi: “Noma ngabe kwenzekani, inhlangano ifika ngokuphazima kweso izokusiza. Singamalungu omndeni owodwa.” Imizamo eqhubekayo yokunikeza usizo iwubufakazi bokuthi akukho lutho ‘olungasihlukanisa nothando lukaNkulunkulu.’—Roma 8:39.