FEBHUWARI 26, 2018
E-UNITED STATES
Ezakamuva Mayelana Nemizamo Yokusiza Ngemva Kokuhlasela KweSiphepho UHarvey
ENEW YORK—Izakhamuzi zaseTexas, e-U.S.A., zisazama ukululama ngemva kokuhlasela kweSiphepho uHarvey, esaqala eduze kwaseCorpus Christi ngo-Agasti 25, 2017. KunamaKomiti Okunikeza Usizo amabili aqondisa imizamo yokusiza izinkulungwane zabafowethu nodadewethu abathintekile.
Umzalwane ucinga oFakazi BakaJehova esikhungweni sokunikeza usizo eHouston eTexas.
Bangaphezu kuka-7 000 abantu abavolontiya ekukhucululeni izindawo ezithintekile, okwakuhlanganisa nemizi yabamemezeli engaphezu kaka-2 300. Alinganiselwa ku-1 000 amavolontiya asiza emsebenzini wokwakha isonto ngalinye. Sekulungiswe amaHholo OMbuso angu-48 futhi kunezinhlelo zokulungisa imizi engaphezu kwengu-545 ezinyangeni ezizayo. Kulinganiselwa ukuthi lo msebenzi wokusiza uzodinga imali engaba ngu-$8.5 million, futhi uzophela ngoJuni 30, 2018.
Kusukela ekupheleni kuka-Agasti 2017, kunabameleli bamagatsha abangu-22 okuhlanganisa amalungu eKomiti Yegatsha angu-7, abaye bahambela izindawo ezihlaselwe inhlekelele, ukuze banikeze abamemezeli induduzo evela eBhayibhelini. Sithandazela ukuba izandla zabo bonke abasizayo ‘ziqine’ ukuze baqhubeke nalo msebenzi.—Nehemiya 6:9.
Izisebenzi ezinikeza usizo e-Aransas Pass, eTexas.
Abezindaba:
UDavid A. Semonian, Ihhovisi Lezokwaziswa, +1-845-524-3000
Okunye Ongase Ukuthande
EZISANDA KUKHISHWA
OFakazi Baqinisa Imizamo Yokusiza Ngemva Kweziphepho
Amagatsha oFakazi BakaJehova abonisa izindlela abanikezwa ngazo usizo labo abathinteka lapho kugadla iziphepho u-Irma noMaria.
EZISANDA KUKHISHWA
Usuzophothulwa Umsebenzi Wokusiza Ngemva Kokugadla KweSiphepho UMatthew EHaiti
Kuhlelwe ukuba umsebenzi wokusiza ezinhlekeleleni uqedwe cishe ngo-Juni 2017