Uyaqhubeka umlilo owaqala ngoJulayi 23, 2018, endaweni eseduze nedolobha laseRedding, eCalifornia. Lo mlilo obizwa ngegama lendawo owaqala kuyo usubulale abantu abangu-8, washisa indawo engaphezu kwamahektha angu-44 515, wacekela phansi nezakhiwo ezingaphezu kuka-1 300.

Ngokwemibiko, abekho abamemezeli abahlala kule ndawo abalimale kakhulu. Nokho, kunomfowethu oshile lapho ezama ukusiza izicishamlilo, kodwa akalimalanga kakhulu. Kunabafowethu nodadewethu abangu-454 okudingeke ukuba basuke ezindaweni zabo. Okwamanje bahleli nezihlobo abanye bahleli ezindlini zabanye abashumayeli bezindaba ezinhle. Imizi yoFakazi engu-12, ishe yaphela.

Bonke abamemezeli baphephile, kanti umbonisi wesigodi kanye nabadala basemabandleni asendaweni basebenza ngokubambisana ukuze banikeze usizo oludingekayo nenduduzo kubafowethu ababhekene nalesi simo esingelula.—IzAga 17:17.